Será Obama por fin o candidato?

Parece ser que logo de gañar nas primarias desta noite no Estado de Oregón, Barack Obama será o candidato "demócrata" á Casa Branca. Logo dunha longuísima campaña o senador demócrata lógrase impoñer á Hillary Clinton.

Agora mesmo e logo dunha campaña tan dura e longa na que un candidato e outro se foron desgastando mutuamente, creo que Obama debería invitar a Hillary a que fose a súa número dous. E esta debería aceptar a invitación polo ben do seu partido, se é que queren desbancar ós republicanos da presidencia dos EE.UU.

Creo que o sistema de causcus e primarias que pervive en EE.UU. e demasiado longo e agónico, e que moitas veces fai que se desgasten demasiado entre os posibles candidatos dun mesmo partido.

Calquera dos dous demócratas será moito mellor presidente dos EE.UU. que o candidato republicano. Pero este último, aínda que está desaparecido, non está desgastando. mentras tanto Barack e Hillary tiveron que loitar moi duro un contra outro nestas primarias.

Creo que este tipo de eleccións, que está moi implatado na cultura democrática dos EE.UU. debera ser moito máis curto no tempo, de maneira que se aforraría moito tempo e cartos.

De todos os xeitos, ogallá lle vaia ben a Obama, porque creo que o Mundo sempre será máis xusto e máis pacífico co candidato demócrata de Presidente que non con John MacCain como inquilino da Casa Branca.

Se vos interesa o tema das eleccións nos EE.UU. podedes atopar unha boa guía en inglés neste especial do The New York Times.

A gran pregunta

Esto cada día é máis confuso. Quen manda no PP?. O que era branco, agora é negro. O negro, agora é branco. Eu xa non sei quenes son os de centro-dereita, os de dereita-dereita, ou os de máis a dereita todavía. Os conservadores viran ó centro. Os liberais viran á dereita. En fin, un batiburrillo.

Estas crises soen ser comúns nos partidos logo de perder uns comicios, pero vou facer de pitonisa: esta crise acabará en escisión. O tempo dirame se tiña razón.

Nova da Galega sobre a crise de Calvos de Randín

Margarita quere estar á ultima

Onte foi un día completo de paz e tranquilidade para min. A mañá andiven pola feira de Castro Caldelas. E como non podía ser menos non llo perdoei ó pulpiño.
A tarde andiven pola casa de Belén, a miña compañeira. E alí andiven a remexer cos animais, algo que me encanta. Estiven cos cadelos, pero sobre todo cunha cadeliña nova que é un xoguete. Unha cadeliña para o coello que aínda non ten nome. Logo andiven remexendo dun montón de "monte" onde criou unha gata, e dinlle sacado o gatiño para estar un rato con el, ata que logo apareceu a nai e houbo que volvelo poñer no seu sitio.
Belén e máis eu fomos co Selmo (pai de Belén) a darlle de comer ós becerros e cortar unha pouca herba para os coellos.
Pero o momento de maior tranquilidade foi cando saín eu só un intre ata o lameiro de debaixo da casa onde andaban a pastar as vacas. e ahí podedes ver a Margarita, unha vaca rubia moi interesada nas últimas tecnoloxía, que quería dar conta da miña Blackberry, non sei se para poder facer unha foto, navegar, ou simplemente probar se estaba tan boa como a herba que estes días non para de medrar en Torbeo.

Baltar baixa á cloacas en Calvos de Randín

Na anterior lexislatura o PSOE en Calvos de Randín só tiña un concelleiro. Celebráronse os comicios municipais e o PSOE acadou cinco concelleiros e a maioría absoluta. todo un trunfo. Un trunfo que tivo Tres pes principais: o fenomenal equipo que fomos capaces de presentar, encabezado por Aquilino Valencia; a enorme ilusión que este equipo soubo xenerar; e o nefasto traballo que fixo o anterior alcalde cun talante nespótico, chulesco e dictatorial de cae todos/as coñecido.

Aquilino foi amable e fixo un equipo moi heteroxéneo, para elo fichou moita xente de esquerdas que nunca tivera relación co PSOE. E ahí apareceu Andrade, que foi o número dous.

Este "listillo" con quen tiven o "pracer" de intercambiar algúns pareceres o día que presentou a súa renuncia a seguir pertencendo ó grupo socialista e se pasou ó grupo dos non adscritos, pretende ser agora o alcalde, e para elo válese do PP.

Os concelleiros do PP van presentar a súa renuncia como tales o luns e pasaránse o grupo dos non adscritos. este é o primeiro paso para a moción de censura. Esta moción de censura está avalada polo presidente provincial do PP, José Luis Baltar, xa que este se reuniu hai tres días en Ourense con todos/as os/as implicados (Andrade incluído).

Baltar volve baixar os baixos fonfos, as cloacas da política para valerse de todo. E mentres en Calvos de Randín pretende cargarse o lexítimo alcalde do PP co voto dun tránsfuga, na Pobra de Trives pretende facerse cos favores dos nosos concelleiros para encumbrar ata a alcladía o alcalde de "toda a vida" do PP. Así é Baltar, onde ve debilidade e merda, alá se vai enzoufar como os marraos.Él sempre foi así, e agora que está agonizando (politicamente falando) válelle todo.

O que non sei e se Núñez Feijóo e Rajoy lle deixaran vía libre nesta acción de piratería. Porque eles estar, están o tanto. De feito onte Baltar e Alberto Núñez Feijóo compartiron mantel en Vilanova dos Infantes. Na fotografía inferior podédelos ver nunha imaxe publicada hoxe no xornal Faro de Vigo.

Pois nada volvemos a ter o Baltar de sempre, o que lle vale todo en política, o que compra vontades con favores. Eu que xa pasei por esto debido a unha moción de censura que nos fixeron en Castro Caldelas só vos pido unha cousa: se se produxera esta mobilicémonos todos/as os/as que cremos na democracia e o día do pleno vaiamos todos/as a Calvos de Randín a respaldar a uns compañeiros que foron elexidos nas urnas e que agora o PP, con tretas chavacanas, pretende desbancar.

Que saiba Baltar, que se esto segue adiante, na provincia de Ourense, comezou a guerra do "todo vale".

Un paréntese

Un pequeno paréntese no meu blog. Este tema non ten nada que ver cos que trato por norma xeral. Pero quería falar desto. Teño algunhas afeccións, pero hai dúas polas sinto devoción, o cine e a fotografía (gustariame pode explotalas máis, peroo tempo é o que é).

Atopei hoxe esta imaxe (publicada no xornal El País) na que saen ducias de cámaras (que para min son un arma coa poder expresarse e facer arte) e un dos máis grandes do cine (o séptimo arte, outra paixón): Dustin Hoffman.

Sobre Hoffman dicir que son moitas as súas boas películas, outras máis regulares. Pero voume permitir facer unha recomendación, para quen non coñecedes toda a súa obra: El Graduado (1967). Para min unha das grandes óbras do séptimo arte. Merece a pena vela só por poder desfrutar da banda sonora.

Outra cacicada de Baltar a unir o seu longo expediente

Hoxe compareceron en rolda de prensa Alfredo García e Eladio Fernández, deputados provinciais, para denunciar unha vez máis as cacicadas de Baltar ó fronte da Deputación de Ourense.

Nestes últimos días Carlos Montes, alcalde de O Carballiño e tamén deputado provincial sacaba á luz os centos de contratacións a dedo que se fan na Deputación, así como puxo ó descuberto como fan que pareza legal cando lle dan unha praza fixa a familiares de cargos do PP, utilizando para elo a "cobaias" traballadores da Deputación próximos ó PP.

Hoxe Alfredo e Eladio fixeron público como Baltar se salta a lexislación vixente de contratación pública e concede o seu libre albedríocontratos de subministros millonarios cos seus amigos, curiosamente case sempre cargos ou familiares de cargos do PP.

Así aparecen facturas de máis de 400.000 € de gasoil nunha estación de servizo dun concelleiro do PP, facturas de mais de 140.000 € de bancos e refuxios disfrazados en 71 facturas diferentes, concesións a empresas propiedade de familiares de quen contrata os servizos, e un longo etcétera.

Creo que a Fiscalía debería de empezar a tomar cartas no asunto.

O PSOE de Trives, Caldelas e Valdeorras intercambia opinións

Onte celebramos unha xuntanza no Pazo do Castro do Barco de Valdeorras os deputados provinciais, delegados, alcaldes, portavoces e secretarios comarcais, e unha posterior rolda de prensa.

Na foto superior estamos, de esqueda á dereita:

Víctor González, deputado provincial e tenente de alcalde de Cortegada; José Luis "Chelis" Pérez, deputado provincial e alcalde de Vilardevós; Miguel Fidalgo, senador e secretario provincial de organización; Alfredo García, deputado-portavoz provincial, alcalde do Barco de Valdeorras e secretario comarcal de Valdeorras;eu, Eladio Osorio Montenegro, secretario comarcal de Trives-Caldelas e asesor do grupo provincial socialista na Deputación de Ourense; Carlos Montes, deputado provincial e alcalde do Carballiño.

A reunión reviu para intercmbiar pareceres e fixar unha estratexia tanto nas comarcas como na Deputación de cara ós vindeiros anos. Hoxe podedes ver o tema recollido nalgúns medios de comunicación como La Región ou La Voz de Galicia.

Na segunda fotografía podedes ver a fachada provincial do Pazo do Castro, onde mantivemos a reunión, un lugar moi recomendable para pasar uns días se tedes pensado visitar as terras de Valdeorras.

Condea e repulsa fronte o atentado de onte

Hoxe as 12 h. reunímonos na Praza Maior de Ourense representantes de todos os partidos políticos, sindicatos, empresarios, asociacións e demais peroas anónimas que coa súa presenza quixeron condear o vil asasinato e o atentado que onte levou a cabo a banda asasina ETA en Euskadi.

Sempre denbería ser así, e os partidos políticos fronte a este tema nunca nos deberiamos atacr, porque o´único que acadamos é engrandecer ós/ás asasinos/as.

Unidade

Agora mesmo que os asasinos nós volveron a atacar, levándose por diante a vida dunha persoa que o único delicto que cometeu era gardar a nosa seguridade, só nos queda a unidade.

Non voltemos ós tempos pasados de empregar o terrorismo para atacarnos unhas persoas a outras.

E mañá as 12 h. diante das Casas Consistoriais a mostrar todos/as a nosa repulsa fronte á barbarie.

Cada día unha sorpresa

No PP non ganan para disgustos. Hoxe San Gil dí que posiblemente deixe a executiva do PP de Euskadise non recupera a confianza de Rajoy. Mentres tanto, Ana Botella (cabeza parlante de Aznar) di que apoia a San Gil. E Rajoy, como sae hoxe na por tada do xornasl Público está apagado ou fóra de cobertura.

Creo que Mariano vai ter que pasar o testigo que un día lle pasou Aznar, xa que semella que se lle fai moi grande todo esto. Nunca vin a un lider con tan pouca capacidade de reacción, pero con tanta capacidade para gardar silencio e non intervir ante unha crise. As veces lémbrame ás avestruces cando agochan a cabeza baixo terra para non ver os problemas

Onde está CCOO?

Dóeme bastante ter que escribir esto, xa que teño moi bos amigos en CCOO e creo que, en xeral, están a facer un importantísimo traballo en prol dos traballadores, pero hai cousas polas que non se pode pasar...

Ata o de agora na Deputación Provincial de Ourense os representantes dos traballadores pertencían todos (de cando en vez dábase colado un de UGT) a un sindicato "amarelo" que estaba comandaddo polo "patrón" Baltar.

Dende as últimas eleccións sindicais todos estes traballadores (a maior parte vinculados ó PP, alcaldes, concelleiros, familiares destes...) presentáronse por CCOO.

UGT e CIG nin tan sequera lograron presentar candidatura, polo que todos os delegados sindicais foron a parar a CCOO.

O PSdeG-PSOE está a denunciar todos os días as tropelías que leva a cabo Baltar no tema de persoal: oposicións amañadas, contartacións a dedo, etc...

E onde está CCOO para denunciar todo esto?. Pois en ningún lado. Como lle pasa a Rajoy estes días, están desaparecidos e enmudecidos. Non din nada para non molestar o seu xefe de partido.

Creo que a dirección de CCOO ten que tomar medidas ante estes señores que non defenden os dereitos dos traballadores, senón que só se adican a esconder as chanchulladas de Baltar.

Un sindicato de tanto arraigo e do que forman parte importantísimos loitadores en prol dos dereitos dos traballadores non se pode permitir este luxo de que unha comparsa deste tipo enmerde o seu currículo.

A Blogosfera Socialista Galega

A través da web do PSdeG-PSOE podedes acceder á Blogosfera Socialista de Galicia. Aquí poderedes atopar todos os blogs de agrupacións, cargos, militantes e simpatizantes do Partido Socialista en Galicia.

Baltar pon atrancos á labor de oposición do PSdeG-PSOE

José Luis Pérez García, deputado provincial e viceportavoz do Grupo Socialista na Deputación de Ourense, ademais de alcalde de Vilardevós ven de denunciar unha vez mais os atrancos que Baltar lle pon o PSdeG-PSOE en Ourense para levar a cabo a labor de control que lle foi encomendada nas urnas polos electores.
Aquí vós deixo a nota de prensa emitida no día de hoxe:

OS SOCIALISTAS DENUNCIAN QUE BALTAR SE NEGA A FACER PÚBLICA UNHA RELACIÓN DO PERSOAL CONTRATADO NA DEPUTACIÓN DENDE XANEIRO DESTE ANO

- Pérez García, deputado provincial, denuncia que Baltar segue obstaculizando a labor de oposición do Partido Socialista na Deputación.

Ourense, 13 de maio de 2008. O grupo socialista na Deputación volve solicitar a Baltar unha relación do persoal contratado no ente provincial dende xaneiro deste ano e, pídelle que explique os motivos polos que se nega a facela pública.

O pasado tres de abril o deputado provincial e alcalde de Vilardevós, José Luis Pérez García, solicitaba unha relación do persoal contratado polo ente provincial dende xaneiro de 2008 ata día de hoxe coas funcións que realiza cada un deses traballadores. “Pasaron xa corenta días e os membros do grupo socialista aínda non recibimos resposta algunha ao respecto. Mes e medio é tempo máis que suficiente para recibir a petición dun grupo da oposición e darlle resposta”.

“Unha vez máis –insiste o deputado provincial- Baltar está a poñer atrancos ao grupo do PSdeG-PSOE na Deputación impedíndonos levar a cabo a labor que os cidadáns nos encomendaron nas urnas. Os socialistas esperamos que esta demora na resposta á nosa petición se deba a algunha razón de peso, do contrario veriámonos na obriga de denuncialo; non estamos dispostos a permitir que Baltar sega a limitar a nosas funcións”.

Pérez García pregúntase cales son os verdadeiros motivos polos que Baltar “garda con tanto recelo a relación de persoal contratado pola Deputación provincial dende o 24 de xaneiro de 2008. Recórdolle a Baltar que o grupo socialista ten dereito a saber quen traballa para o ente provincial e cal é a labor que realiza cada traballador”.

“Se esa lista non se fai pública é porque Baltar sabe que, unha vez máis, podería quedar descuberta a súa faceta de cacique e os criterios de amiguismo e partidismo que se empregan na selección de persoal da Deputación. Se non houbera nada que esconder, Baltar xa houbera remitido esa relación ao grupo socialista. Estamos seguros que esa lista desvela que Baltar é, como el mesmo se definiu, un cacique rancio”.

Os socialistas tamén piden, por segunda vez, a relación de persoal que rematou o seu contrato dende o 24 de xaneiro de 2008 ata hoxe e, insisten en que “faremos a mesma petición cantas veces sexa necesario”.

O cacique rancio

Baltar sorpréndenos moitas veces con eses ataques de sinceridade tan propios del que ten. Hai pouco afirmaba que el era un "Cacique rancio". Para os socialistas de Ourense estas declaracións non eran ningunha novidade. Só viñan a refrendar todas as denuncias que vimos facendo da súa política de amiguismo e enchufismo.

Ten que ser moi vergoñento para un militante do PP, que de verdade cre no seu partido ter por presidente do mesmo a un señor que é a antítese da modernidae na política, a antítese do futuro, a antítese do desenvolvemento.

Esta semana Carlos Montes, deputado provincial e alcalde do Carballiño ven de realizar varias denuncias sobre a política de contratación de Baltar que tiveron gran repercusión en todos os medios como: La Región, La Voz de Galicia, El País, Vieiros, A Nosa Terra, Ourensedixital,...

Aquí vos reproduzco a nota de prensa:

OS SOCIALISTAS SOLICITAN A PARALIZACIÓN DOS PROCESOS DE SELECCIÓN DE PERSOAL QUE A DEPUTACIÓN TEN EN MARCHA NESTES MOMENTOS

-“Non se entende que personas contratadas, supostamente, pola súa valía, obteñan puntuacións de cero nos procesos de selección de personal”.


Ourense, 12 de maio de 2008. O grupo socialista na Deputación provincial, presentou unha moción para o vindeiro pleno, instando a que se paralicen todos os procesos de selección de persoal que se están levando a cabo no ente provincial por ser de dubidosa legalidade e transparencia.

O deputado provincial, Carlos Montes, explica que “logo de facer un seguimento das probas de selección de persoal obsérvase que todas e cada unha destas probas, ao realizarse o primeiro exame, coincide que o número de aprobados é o mesmo que o número de prazas convocadas. Chama a atención que sempre hai unha persoa que saca unha nota moi elevada e o resto de aspirantes sacan un cero”.

Dende o Partido Socialista insisten en que “é curioso que gran parte das persoas puntuadas cun cero son traballadores en activo da Deputación, aos que Baltar mantén con contratos encadeados”.

Montes denuncia que “é sospeitoso que se estean a empregar traballadores afíns a Baltar para que se presenten ás probas de selección que convoca a Deputación, e xustificar así que a praza se dea a determinadas persoas. Senón é así, é difícil entender que persoas que, supostamente, son contratadas pola súa valía técnica obteñan puntuacións de cero”.

O pasado venres os socialistas denunciaban que Baltar estaba ‘preparando’ unha praza á medida da parella do portavoz do PP en O Carballiño. “Este non é un feito aillado –explica o deputado provincial- é un feito que se repite case a diario. En todos os procesos de selección convocados pola Deputación provincial pódense atopar centos de exemplos deste tipo. As prazas que se convocan ‘prepáranse’ a medida pero, ocorre o mesmo cos tribunais formado por técnicos que, por dubidosa casualidade son ou altos cargos do Partido Popular ou familiares destes”.

Os socialsitas aseguran que son moitas as probas que levan a desconfiar dos procesos de selección de persoal que leva a cabo a Deputación provincial, e a dubidar da súa legalidade e transparencia polo que agora solicitan que “ao igual que pasara antes das eleccións municipais do ano pasado, se paralice o proceso selectivo e se garanta a presenza durante o proceso de todos os partidos políticos e dos sindicatos con implantación na provincia”.

SALVAXADA con letras maiúsculas

Vedes este ANIMAL. Pois este ANIMAL que acaba de matar a estes gatiños e que se exhibe con eles ante un amigo que lle fai unha foto é un membro das Novas Xeracións do PP en Talavera de la Reina. Chámase Jaime Ferrero e foi candidato do PP nas pasadas municipais ó concello de Talavera de la Reina.
Espero que a parte da expulsión do seu partido, a este ANIMAL a Xustiza lle caía con todo o peso (que seguramente neste caso non é moito) enriba del.

Unha persoa que é capaz de facerlle esto a uns gatos indefensos, de que será capaz nesta vida?

Xa coñecemos esta vella historia

Outra vez máis... e van mil. Baltar volve a facerse a víctima e fai unhas declaracións dicindo que el non quere seguir áfronte do PP provincial se non o queren as bases. Tamén afirma que cando determinen que sexa o congreso, que se debería buscar candidato. Baltar Pumar, lembra que el non quere permanecer e que leva á fronte da "nave" popular 16 anos. Di que a el ninguén o vai facer inútil á fronte de de nada". Sen embargo, pese a manifestar que cre que o que teñen que facer é ir preparando a sucesión", o Presidente do PP en Ourense non descarta totalmente a súa continuidade no cargo, xa que, admite que estaría a disposición do que queiran", que sería moi reticente a volver a presentarse, e que só se me chaman e me piden auxilio.

Esta canción xa a coñecemos doutras veces, Baltar chorando para logo dicir que todos o queren, que vai facer un esforzo, que el non abandona esto e que segue adiante co PP de Ourense.

E para máis inri hoxe sae Ruiz Rivas dicindo que Baltar é un crack e que Ourense está marabilloso, e todo grazas a el.

En ano de fame, todo son piollos

Non saio do meu asombro. No PP todos os días nos sorprende alguén con algunha saída de ton. Os cementos que sustentan a Rajoy son cada día máis endebles. Aínda que el saia reelexido como próximo presidente do PP, nunca puido imaxinar que sería tan cuestionado por case todos. Hoxe Gustavo de Arístegui fai hoxe unha declaracións no xornal Público onde afirma que "moita xente me pediu que me presente". Houbo movementos para que se presentase Zaplana e incluso Rato. Sen esquecerse de Espe. Pero a última nova sorprendente con todo este proceso é a referente a María San Gil. A dirixente "popular" vasca era unha das encargadas da redacción da ponencia política de cara o seu congreso, e onte fixo público que abandoaba a súa redacción por grandes diferencias de criterio no seo da mesma. ë dicir, outra máis que choca frontalmente coas directrices da actual dirección. Se é que exite algunha dirección, porque dende hai uns meses está totalmente desaparecida.

Pistoletazo de saída para o XI Congreso

O sábado pola mañá celebramos en Santiago de Compostela o Comité Nacional Galego do PSdeG-PSOE. A orde do día xiraba en torno á convocatoria do XI Congreso do PSdeG-PSOE. Este vaise a celebrar do 25 ó 27 de xullo na capital galega.

Emilio Pérez Touriño, na análise da situación política actual, avanzou que “o Congreso debe ser unha convocatoria para o futuro, para a esperanza, para mellorar a posición de Galicia en España e no Mundo”. O Secretario Xeral pediu “un Congreso de debates, de propostas, un Congreso que profundice nas políticas de cambio” e apelou “ó compromiso, á xenerosidade, ó traballo, á valentía, á lealdade, á imaxinación e á cohesión do Partido Socialista”. Para o Presidente da Xunta o Congreso “debe consolidar a marea do cambio e completar a folla de ruta, o Congreso é órgano soberano que decidirá o futuro do partido e seguramente do pais para os próximos catro anos”. Touriño matizou que “o PSdeG-PSOE debe asegurar a convivencia entre todos os cidadáns, manter unha posición de centralidade no mapa político galego e afondar no compromiso de autoidentificación coa terra”.

Ó longo da súa intervención, Pérez Touriño lembrou que o 19 de Xuño se cumplirán tres anos das últimas eleccións autonómicas galegas, e que nas pasadas xerais, o PSdeG-PSOE obtivo máis de 750.000 votos, algo máis de 68.000 votos novos, e o 40,6% do apoio electoral.
No Comité Nacional Galego debatimos sobre o calendario precongresual, o peche do censo, os criterios de asignación de delegados e o proxecto de orzamentos.

Baltar, o trileiro

Onte foi un día de bastante traballo para o Grupo Socialista da Deputación. Alfredo García

facía públicas contratacións de servizos irregulares por parte de Baltar na Deputación. Eladio Fernández comparecía ante os medios para denunciar que os vehículos da Deputación se sirven de gasoil nunha estación de servizo do tenente-alcalde de San Cibrao, a razón de 16 millóns de pesetas ó ano, sen que medie ningún tipo de concurso. Carlos Montes, acompañado de Laura Seara e Miguel Fidalgo desvelaban o mapa de enchufismo do PP na Deputación.

Se queredes ampliar a información podesde facelo nas novas que recollían algúns medios: La Región, La Voz de Galicia, Ourensedixital...

Un paso adiante con valentía

Onte compareceu María Teresa Fernández de la Vega, vicepresidenta primeira do Goberno, ante a Comisión Constitucional do Gongreso e alí esbozou o que van a ser as liñas mestras do Goberno nesta lexislatura. Unha lexislatura que se albisca reformista.

Estou moi esperanzado porque dunha vez por todas se afronten reformas serias como a da Lei de Liberdade Relixiosa para avanzar na laicidade do Estado ou a Lei Electoral buscando o consenso e un gran acordo(que aínda que a nós non nos vai mal perxudica gravemente a outros partidos políticos).

No tocante á Lei de Liberdade Relixiosa vaise a procurar traballar na condición laica que a Constitución lle otorga a España recoñecendo os dereitos dos agnósticos. Tamén se ten a intención de non discriminar a outras confesións distinta da Católica.

Vaise abordar a reforma da Lei do aborto, tema de unha gran importancia para favorecer a liberdade das mulleres e porase a rodar a Lei Integral para a Igualdade de Trato e Contra a Discriminación.

En fin esta promete ser unha lexislatura moi valente no reformista. O cumio de todo esto sería se se dese conseguido a reforma da Constitución no tocante ó Senado, á Sucesión e as relacións coa U.E.

Creo que esto promete, xulgaremos en catro anos.

Campaña de obxeción á financiación relixiosa. Declaración IRFP

Se te queres facer obxetor á financiación relixiosa na campaña da declaración do IRPF podes atopar información de interese na web de laicismo.org, porque aínda que ti non marques o X da Igrexa Católica un 0,7 % da túa declaración irá parar os seus petos.

O avisPPeiro

Creo que a Rajoy lle quedou a man presa dentro do avisPPeiro. Ó mellor Espe bótalle unha man para que non o piquen a avespas.

Ata onde chega a renovación do PP

Aquí pódese ver perfectamente a liña trazada por Mariano Rajoy de ata onde chega o límite da renovación no Partido Popular.

O futuro dos Aznaristas

Para que falar...

Que se vaia Mariano....

Onte caiu unha peza máis do tableiro de xogo do PP. Foi Acebes, o gran mintirán dos días posteriores ó 11-M. O PP de Aznar comeza a diluirse. Desapareceu Rato, Trillo, logo Zaplana, agora retíraseAcebes. Xa só queda que se vaia Rajoy.

O gran problema do PP ata o de agora é que non foi quen de facer un novo equipo sen seguir á sombra de Aznar. Nunca puiden entender como Mariano Rajoy seguiu conservando esa á tan dura e reaccionaria da dereita española ó seu carón. Creo que ó non haber sabido mover ficha neste terreo lle ten suposto un custo execsivo na súa carreira. Agora vai deixando dun en un a todos os aznaristas (porque á verdade é que non se van eles, bótanos). Pero creo que xa é damasiado tarde para o cambio de look.

Agora mesmo na cúpula do PP só queda un gran seguidor de Aznar, e este é Mariano. Tócalle o turno de retirarse se quere que no PP cambien os modos e as caras.

Mariano Rajoy foi, é e será sempre o home que designou o dedo de Aznar, por moito que agora vaia a un congreso dentro do seu partido. Xoga con ventaxa, xa que el trae catro anos de rodadura á fronte do seu partido, pero gracias a ese xeneroso dedo.

O que tamén temos claró é que se o PP quere cambiar o rumbo e ir cara á moderación o seu futuro non pasa por Espe con Pedro J. e Losantos de asesores.

Grave crise no sector lácteo

Humor gráfico de Dávila no xornal Faro de Vigo sobre a grave crise que está a sofrer o sector lácteo.

Témome unha subida inminente da factura de Telefónica

Non sei por que pero dame no corpo que en pouco tempo van subir as tarifas os de Telefónica. A vós non vos pasa o mesmo?

Celebración do 1º de maio

Fotografía "roubada" do blog de Lalo.

Onte saímos a celebrar o día dos traballadores con unha ofrenda floral conxunta de UGT e do PSdeG-PSOE no busto de Pablo Iglesias, para logo asistir á manifestación conxunta de UGT e CCOO.

Sobre a celebración planeaba a triste nova de que onte pola mañá falecera un obreiro en Carballiño, pai dunha compañeira socialista do Concello de Maside.

Barondojo xa está na rede. Benvido Nel

Xa temos na rede un novo blog dun compañeiro socialista de Ourense, trátase de Nel. Se queredes pasar a visitalo non tedes máis ca ir ó Barondojo. E non vos confundir con Barón Rojo.