Nace Mil Xeitos de Ollar

Teño que recoñecer que levo moitísimo tempo de sequía bloguera, pero esto vai a rematar aquí. Por diversos motivos non estiven escribindo no meu blog de sempre. Andiven bastante liado intentando poñer orden nunha das miñas grandes afeccións. Pero coma sempre é imposible. Eu a orde e a fotografía somos incompatibles, así que seguirei volcado na fotografía desordenada.

Estiven subindo bastantes fotos o meu sitio de Panoramio que vos invito que visitedes.

Pero levaba moito tempo dándolle voltas a unha idea, por que non subir as miñas fotografías a un novo blog, en vez de  ter que andar sempre co encorsetado Panoramio?

Pois ahí está, amigos e amigas. Acaba de nacer MIL XEITOS DE OLLAR, o meu novo Fotoblog.

Antes non daba feito co meu blog e agora terei que dedicarme ós dous. Pero vou facer un esforzo. 

Só quero convidarvos a que vos dedes unha volta por MIL XEITOS DE OLLAR, un blog no que só se falará de fotografía, e que me dedes as vosas opinións.

Patxi López e o compromiso coa política 2.0

Patxi López convidounos esta fin de semana ó seu gran número de amigos a través do Facebook e tamén do seu blog a que lle plantexasemos preguntas e dúbidas ata o día 30. Comprométese, a que logo de agrupalas por temas, a contestalas e resolver as dúbidas que teñamos.

É esta unha gran empresa, xa que visto o éxito que ten a súa bitácora e a súa actividade nas redes sociais nas que participa, pódenlle chover cuestión por todos os lados.

Dende logo é loable esta iniciativa. Deberían tomar boa conta dela outros/as políticos/as relevantes que por falta de tempo non están en contacto ó suficiente coa xente. Esta é unha forma de mellorar o achegamentopermanente coa cidadanía.

Eu xa lle acabo de plantexar as miñas dúbidas, se vós queredes facer o mesmo achegádevos ata o seu blog.

Fotografía do Álbum de Patxi López no Facebook

Nace a Galisfera

Levábase tempo enxendrando. De pai ten a José Luis Prieto e de nai a Blas García (aínda que parza raro, pero os avances da ciencia son así...). De padriños e madriñas somos case 60 amigos/as de corte progresista e que pululamos pola blogosfera galega dende hai tempo.

Esperemos que sobreviva moitos anos e que serva para o que foi creada: un punto de unión entre todas e todos os que andamos pola rede e que "coxeamos da mesma perna", da esquerda.

Se reunides os requisitos precisos non tedes máis que poñervos en contacto co webmaster e seredes benvidos o clube con moito gusto.

Larga vida á Galisfera.

...por certo, aínda está en beta...

Cara a cara

Por fin, cara a cara... Onte reunímonos na sede do PSdeG-PSOE da Rúa do Pino en Santiago máis de 30 bloggers progresistas (outros 30 non poideron vir, pero están nesto tamén). Máis de tres decenas de homes e mulleres que nos seguíamos pola rede, pero nalgúns casos non nos coñeciamos cara a cara.

Estivemos intercambiando opinións sobre como coordenarnos e como ter máis visibilidade, entre outras cousas. E prometemos xuntarnos máis veces.

A raiz desta xuntanza está a nacer ó xerme dalgo grande... pero este segredo será desvelado nalgúns días.

Na foto estamos, de esquerda á dereita, Defín Feal, eu (Eladio Osorio), Blas García, Mar Barcón e José Manuel Lage. Pero por alí había outra moita xente como

José Luis Prieto, Loli Rodríguez, Tamara Canosa, Eva Tomé,Fidel Martín, Nel, Adriana Viz, Fran Martínez, Nacho Filgueiras, Javier Fariña, Enrique Barreiro, Julián Reina, Isa Lema, María Torres, Andrea Fernández, Lalo G. Rosales, Xabier Pita, Iván Puentes, Pedro Armas, Dani Casal, Enrique Vaqueiro, XSG, e seguro, seguro, seguro que me esquezo de moitos/as, pero perdoade... A memoria, as veces...

De todos hai un blog que hoxe se merece unha mención especial. É o de Eva Tomé, que naceu onte, e a verdade é que promete

A Xuntanza de Bloggers Socialistas ten imaxe

Hai dous días publicaba unha reseña convidándovos a que asistísedes á Xuntanza de Bloggers Socialistas. daquelas aínda non había cartel do evento.

Aquí vos deixo a imaxe da xuntanza e sigo animándovos a que asistades. Se entrades no Blog de Blas García poderedes ver quenes foron confirmando a asistencia.

Vémonos o mércores en Santiago de Compostela.

Xuntanza de Bloggers Socialistas

O día 15 de outubros ás 16:30 terá lugar na Sede do Pino en Santiago de Compostela unha xuntaza de Bloggers Socialistas con Mar Barcón, Secretaria de Organización do PSdeG-PSOE.

Se cumpres os dous requisitos: ter un blog e ser socialista; e se queres asistir e aínda non che chegou a invitación podes poñerte en contacto conmigo ou con Blas García, que é quen está organizando esta xornada.

O Caldelao de Caldelas no Ourense Dixital

Hoxe levei unha grata sorpresa. Cando estaba a ler o Ourensedixital (un dos mellores medios para enterarnos de que acontece na nosa provincia), vin que na nova sección de Confidenciais, Oído al parche, falaba do novo vídeo blog de Anxo Quintana. Pero a miña sorpresa foi maiúscula cando comparaba este co de José Manuel Baltar, deputado do PP por Ourense, e co meu, o Caldelao de Caldelas.

Non quixera parecer (como se fai moitas veces) un falso modesto, pero sinceramente creo que o meu blog está a anos luz destes dous. De todos xeitos teño que dicir que me fixo bastante ilusión. 

José Manuel Baltar foi un dos pioneiros nesto da ciberpolítica e agora Anxo Quintana únese cunha páxina cun excelente deseño e contido. Os meus parabéns para eles dous (e para outros/as moitos) por ser valentes e aproveitar as oportunidades que nos brinda a Rede para poder expresarnos e debater cos demais.

Dende aquí quixera seguir animando a todos/as aqueles que teñan inquedanzas (non só políticas) a que participen, creando o seu propio blog ou web, no desenvolvemento de internet.

Esto está arrancando

Pois nada, amigos/as, chegamos ben a Madrid. Eran as 12 e xa estabamos no recinto do 37 Congreso Federal (e sin perdernos).

Pola mañanciña non moita cousa: constitución da mesa (por certo está Ricardo Varela nela), informe de xestión, un fenomenal discurso de Pepe Blanco...

Logo comida, e o máis importante ver por primeira vez fisicamente a moitos cibermilitantes e compañeiros/as coñecidos só na rede.

Estiven con César Calderón, José Luis Prieto, Blas García, Carro, Miguel Fidalgo, Iván Puentes, etc... Algúns de nós estivemos concretando un frente común para defender as enmendas relacionadas coa cibermilitancia socialista.

Agora á tardiña ímonos xuntar a delegación de Galicia para aunar posicións e preparar as comisións.

Por certo, eu vou estar na comisión catro, son o único de Ourense presente nesta comisión: a de Estatutos. É a comisión máis importante e onde se van decidir as futuras liñas políticas do PSOE nos vindeiros catro anos.

Non teño moito tempo para seguir escribindo, pero prometo contarvos de cando en vez como vai todo esto.

Unha apertiña dende Madrid.

Ollo ó can. ¿A quen?. O can

Ollo ó can. ¿A quen?. Ó can.

Este é o título da foto que o gran fotorreporteiro do Faro de Vigo en Ourense, Suso Regal nos acaba de regalar colgándoa no seu novo fotoblog El Friki Press de Ourense.

Suso, a parte dun grandísimo fotógrafo, é moi afeccionado a esto dos blogs. Recoméndovos que visitedes El arte del tiro con arco (blog de fotografía e poesía), Cosas que se cruzan (fotoblog) e Otras cosas que se cruzan (outro fotoblog).

E xa para rematar deixovos outra fotiño de Suso, titulada Un par de rojillos.

A Blogosfera Socialista Galega

A través da web do PSdeG-PSOE podedes acceder á Blogosfera Socialista de Galicia. Aquí poderedes atopar todos os blogs de agrupacións, cargos, militantes e simpatizantes do Partido Socialista en Galicia.

Barondojo xa está na rede. Benvido Nel

Xa temos na rede un novo blog dun compañeiro socialista de Ourense, trátase de Nel. Se queredes pasar a visitalo non tedes máis ca ir ó Barondojo. E non vos confundir con Barón Rojo.

Nace a Blogosfera Progresista

Eramos moitas e moitos os que levavamos esperando esto dende había moito tempo, e agora xa, por fin, acaba de ser creada a Blogosfera Progresista a que o meu blog e eu temos a honra de pertencer.

Este será un punto de encontro de todos e todas aquelas que dende un punto de vista progresista e de esquerda trmos o "vicio" de escribir cando podemos nos nosos blogs.

Convídovos a que lle botedes un vistazo.

Unha gran nova para min. Xa son da blogosfera Rede Progresista

O outro día estaba abrindo o correo electrónico e leveime unha enorme alegría. Tiña unha mensaxe da Comunidade de Blogs Progresistas. Levaba uns cantos días ansioso a que me chegara esta carta.

Abrina e ..... o que eu esperaba. Dende a blogosfera Rede Progresista comunicabanme que me acababan de admitir dentro da súa rede. Síntome enormememte orgulloso de ser un dos algo máis de 200 blogger que en toda España formamos esta rede.

Se non me confundo son o único ourensán que está dentro da "blogosfera socialista" e un dos poucos galegos.

Pois nada, agradecerlle moito as compañeiras e compañeiros da Rede Progresista que lles houbese gustado o meu blog e que me houbesen admitido, e agora síntome cun pouco máis de responsabilidade o saber que serei leído por máis xente.