Comeza a retramisión

Comeza o 11 Congreso Nacional do PSdeG-PSOE. Ata o de agora todo é barullo, voltas para un lado, voltas para o outro... Pero dentro de 15 muinutos darase o pistoletazo de saída.

A estas horas Blas e todos/as os/as de organización andan coma tolos, pero esto é sempre así. Ós/ás que curran tócalle estar en todo ó mesmo momento.

A partir de agora prometo achegarme a cada pouco polo rincón habilitado para os bloggers e irvos contando ó minuto (todo aquelo que vos poda contar) o que vai acontecendo no Pazo de Congresos de Santiago de Compostela

"Retransmisión" dende Santiago de Compostela

Prometo facer unha paréntese cada día do Congreso para irvos contando as últimas novas ( e se cadra algún cotilleo). Todo elo dende o espazo habilitado para tal fin, dende o rincón dos bloggers e cibermilitantes.

Para ós/ás que vaiades a Santiago como delegados/as, observadores ou invitados/as decirvos que nos vemos alá.

Por certo, por mor do Congreso pérdome a primeira feira do viño da Ribeira Sacra ourensana, espero que sexa un éxito. E xa sabedes, se podedes, pasade por Castro Caldelas.

Acordádevos destas palabra, vai ser clave no Congreso: ALCALA PAMAPA (falamos á volta do Congreso) ;)

Pre-Congreso

PONENCIA 11 CONGRESO NACIONAL DO PSdeG.
LAICISMO E FEDERALISMO

O PSdeG-PSOE defenderá no Congreso a os valores do laicismo e o federalismo que atopan as súas raíces máis fondas na tradición republicana que inspirou o nacemento do partido.
No cónclave, que se celebrará os próximos días 26 e 27 de xullo, os socialistas defenderán o principio de laicidade como propio de toda democracia constitucional que afonde na separación entre o Estado e as confesións relixiosas . Asemade, afondarán na extensión dunha educación para os máis novos, nunha ética pública, cívica, baseada na Constitución e na Declaración Universal dos Dereitos Humanos, no desafío de crear unha cultura laica e na consolidación de relacións de cooperación apropiadas caracterizadas pola igualdade e a non discriminación coas diferentes confesións relixiosas .
Os socialistas galegos debaterán tamén no seu 11 Congreso sobre a progresiva desaparición de símbolos e liturxias relixiosas nos edificios públicos e nos actos da CCAA . Como xa ten acontecido no Congreso federal do PSOE, falarase dos retos pendentes de afrontar nos próximos anos, como a extensión do principio de laicidade.
Federalismo
O PSdeG proporá un modelo federalista baseado nun goberno compartido. Os socialistas afondan no autogoberno e o federalismo como un ideario de autonomía territorial, de descentralización política e acomodación do pluralismo cultural e nacional, constituíndo así un complemento aos principios socialistas irrenunciables da liberdade, igualdade, xustiza, pluralidade , solidariedade e paz.
Novas tecnoloxías
Outro dos puntos importantes da documento a debater no Congreso galego é a aposta decidida polo software libre e a igualdade de acceso as tecnoloxías da información e comunicación, básicas nunha administración moderna . A aposta pola igualdade en condicións de acceso ás novas tecnoloxías é un compromiso claro da Ponencia.

Touriño afirma que a aposta pola confianza en Galicia, o federalismo e autogoberno e a cidadanía farán do Congreso do PSdeG-PSOE e do partido un elemento “activo, de integración e de vertebración do país”
“O Partido Socialista aspira a seguir traballando cos cidadáns nun proxecto de país, nunha Galicia que avanza, que progresa e que é capaz de superar dificultades e de responder as dificultades”, asevera
O secretario xeral do PSdeG-PSOE e presidente da Xunta, Emilio Pérez Touriño, asegurou esta mañá que os tres grandes “pivotes” do congreso que se celebrará esta fin de semana serán a confianza en Galicia, o federalismo e autogoberno e a cidadanía, tres elementos, dixo, “que farán deste congreso e do partido que saia do congreso un elemento activo, un elemento de integración e un elemento de vertebración do país.”
Así o explicou esta mañá en resposta a preguntas dos xornalistas o secretario xeral do PSdeG, para quen o Congreso desta semana vai confirmar que o Partido Socialista “é unha parte central na nosa sociedade”.
Segundo dixo, a primeira clave do Congreso é a aposta “de confianza no país, de confianza na cidadanía, de confianza en Galicia e na capacidade de Galicia de labrar o seu mellor futuro”. “O Partido Socialista aspira a seguir traballando cos cidadáns de Galicia, cos galegos e galegas, nun proxecto de país, nunha Galicia que avanza, que progresa e que é capaz de superar dificultades e de responder as dificultades”.
A segunda clave cifrouna Emilio Pérez Touriño no galeguismo, o federalismo e o autogoberno. Segundo afirmou, será un Congreso que parte
do ideario galeguista, “desa herdanza e tradición galeguista que asume o noso partido”, un “galeguismo federalista, un galeguismo por unha España federal e por unha España federal e solidaria, un galeguismo cívico, dos cidadáns”.
“Esa é a aposta fundamental, a conxunción entre a tradición galeguista e a tradición socialdemócrata e socialista. A fusión nun plantexamento federalista e solidario” que vai permitir que o Partido Socialista saia reforzado “e cunha auténtica panca e plataforma de impulso e renovación de Galicia, e de impulso do cambio e de profundización no cambio político, social e cultural da nosa comunidade.”
A este respecto, o secretario xeral agradeceu o traballo “moi importante” realizado pola militancia na dirección do impulso do autogoberno, da proxección da nosa cultura e da nosa lingua e da presenza exterior da nosa comunidade e o impulso dos valores e dereitos da nosa cidadanía, co obxectivo de extender e de crear un espazo de máis igualdade, de máis benestar e de máis protagonismo cidadán en Galicia.
O terceiro piar concretouno Pérez Touriño na cidadanía “elemento central, que xunto coa idea de unión e de solidariedade propia do socialismo, conforma o eixo deste congreso”. Ao respecto, o secretario xeral adiantou que o Congreso vai propoñer un auténtico pacto polo benestar, desde a cooperación dos concellos, do Goberno autonómico e do Goberno de España “para facer das políticas de asistencia social, de inclusión, de atención aos maiores, as políticas de conciliación de vida familiar e laboral, a plataforma fundamental de progreso da nosa sociedade”. “E cun compromiso, en momentos de dificultade económica, para que o benestar social e a extensión da igualdade de dereitos non sufran”, ratificou Pérez Touriño quen, pola contra, afirmou que serán políticas “preferenciais”. “Esa é a preocupación e a aposta do Partido Socialista polos sectores máis desprotexidos e con máis dificultades”, agregou.
O Secretario Xeral dos Socialistas Galegos avanzou así mesmo que o Congreso centrará tamén as súas propostas nos ámbitos do emprego e o transporte público.
Respecto do primeiro asunto, Touriño adiantou que se achegarán medidas relacionadas co impulso do emprego da mocidade, coa recuperación dos mozos que están fóra, con medidas de incentivación á contratación e á reinserción e coa posta en marcha de itinerarios personalizados para o emprego, tanto das persoas que quedan desempregadas como, “de maneira
prioritaria”, as mozas e os mozos da nosa comunidade.
En canto ao transporte público, anunciou que se aprobarán propostas para impulsar o transporte público nas grandes áreas urbanas de Galicia na liña da redución dos tempos de desprazamento, a mellora de frecuencias, a creación dos consorcios de transporte metropolitano, ou a redución das tarifas nun termo medio do 40%.
“É dicir, un gran impuslo ao transporte tanto nas áreas metropolitanas como no medio rural a través de servizos adaptados e de servizos de transporte á demanda para xeneralizar un auténtitco transporte público tamén no medio rural da nosa comunidade”, valorou o secretario xeral, quen aludiu a que tamén se aprobarán propostas para a creación do ente público de infraestruturas ferroviarias, encargado “de xerar un auténtico servizo de cercanías ferroviarias e o impulso dos metros, dos tranvías lixeiros”. “En definitiva, de todos os elementos que en colaboración cos concellos e o Goberno de España son decisivos para esa política de transporte público complementaria ás infraestruturas que se están a realizar nestes momentos desde o Goberno”.
Finalmente, o secretario xeral asegurou que se trata dun Congreso que será unha apelación “á capacidade de resposta e confianza ilimitada en Galicia para facer fronte á situación de dificultade económica que estamos a vivir”. “É unha aposta de confianza e de unión, unha aposta por elementos activos na resposta, que sempre serán un modelo de política social, de defender e pensar nos cidadáns e nos sectores sociais máis desprotexidos e de seguir impulsando o investimento produtivo, ese investimento xerador de emprego, de actividade, de riqueza. Deste Congreso sairá unha folla de ruta de resposta á situación económica nesa clave. Os cidadáns e o investimento produtivo son a resposta que Galicia debe dar en clave de diálogo social e en clave de unión como veño reiterando estes días”, concluíu.

Pachi Vázquez di que apostará no congreso do PsdeG por que Ourense sexa "un piar fundamental" do futuro de Galicia

Mostra o apoio absoluto a Touriño do PSOE ourensán e aposta por fórmulas para estar representados igual que outros territorios galegos
OURENSE, 23 de xullo de 2008.- O conselleiro de Medio Ambiente e coordinador provincial do PSOE en Ourense, Manuel Vázquez, avanzou hoxe que no Congreso que o PSdeG celebrará a próxima fin de semana apostará por que Ourense sexa "un dos piares fundamentais" do futuro de Galicia.Manuel Vázquez sinalou que os socialistas ourensanos chegarán ao cónclave "con moita ilusión" e "cos deberes feitos". Así mesmo, recalcou que o partido en Galicia conta con "o líder máis cualificado de Galicia sen discusión como é Emilio Pérez Touriño", e xunto a el "un partido unido e ben vertebrado" que aspira a ser "o partido maioritario de Galicia nos próximos 12 anos". O dirixente socialista salientou que o PSOE da provincia chegará ao congreso "cunha unanimidades tremenda entre tódolos socialistas ourensanos" e ademais "cun absoluto consenso entre tódalas propostas que levamos".O coordinador provincial do PSOE de Ourense sinalou que o PSdeG "está sufrindo un crecemento moi importante en toda Galicia", aínda que en Ourense "probablemente é a provincia onde está tendo un maior crecemento". Así mesmo, lembrou que era a provincia galega "onde estabamos máis lonxe da media" e por iso "nos imos colocando nunha dimensión normal". Sobre as sensacións do PSOE de Ourense perante este congreso, resaltou que cada vez reciben "máis confianza dos cidadáns, os datos electorais, máis alá das opinións, son incontestables e o soporte do presidente Touriño para Ourense nestas tres anos de goberno da Xunta non deixa lugar a dúbidas".

O BNG maniféstase no "estranxeiro"

Aquí o teñen, donas e cabaleiros. O señor don Ángel Quintana, antes Quin, organizando unha manifestación no estranxeiro. O home de Allariz, falto de fotos estes días, tivo que organizar unha titiritada en Lubián (provincia de Zamora) para que o AVE chegue a Galicia moito antes. Creo que logo da manifestación-paparota o AVE comprometeuse a chegar dez días antes a Galicia gracias a Don Quin.Será todo o que lle teñamos que agradecer ós/ás do BNG respecto ó AVE, porque outra cousas por el non fixeron.

A manifestación seica foi un éxito. 300 persoas segundo ós/ás organizadores/as. 112 persoas, contando ós gaiteiros,veciños de Lubián, fotógrafos e reporteiros segundo me conta xente que estivo alí. Non foron nin todos os seus cargos, xa que moitos tiñan "citas inexcusables" (Isabel Pérez dixit) como unha comunión do fillo dunha amiga, ir a praia cuns curmáns, cortar ó céspede no xardín ou ir pasear os cadelos.

Imos esperar uns días e a ver con que nova titiritada nos sorprende don Quin. Estou seguro que algo chamativo si que será. E unha cousa si que vos podo asegurar, estará acompañada con polbo, empanada, gaiteiros e baile. Xusto todo aquelo que criticaba de Fraga.

Pero, que lle imos facer, Quin é así.

Nace a web e o blog do 11 Congreso Nacional do PSdeG-PSOE

Nace o blog e a web do 11 Congreso Nacional do PSdeG-PSOE que terá lugar en Santiago de Compostela do 25 ó 27 de xullo.

Tanto dende este blog e web oficiais, como dende o meu blog ou os doutros/as moitos/As compañeiros/as que asistirán ó Congreso, poderédesvos enterar das novas que vaian sucedendo case que ó momento.

Morreu o "novelista rural do obxectivo"

Esta é a última foto que se tomou de Virxilio Viéitez, o fotógrafo de Soutelo de Montes. Virxilio foi un retratista de pobo, como outros moitos que ten habido en Galicia e en España. Pero este retratista, que se gañaba o pan coas fotos carnet e as das bodas, levou a cabo unha obra digna dun novelista do rural coa súa cámara de fotos.

Virxilio non pasaría de ser un fotógrafo máis de non ter sido pola súa filla que lle mostrou a súa obra ó Mundo. Gracias a eso, foron multitude os grandes fotógrafos do momento que quixeron coñecer en primeira persoa a obra do de Soutelo de Montes.

Que eu saiba, téñenselle publicado tres libros: Virxilio Viéitez: Álbum, do Centro de Estudos Fotográficos; Virxilio Viéitez: O retrato, da Universidade de Vigo; e Virxilio Viéitez, de La Fábrica.

Aquí podedes contemplar a fotografía icono de Virxilio: Unha muller á porta da súa casa pousando cunha radio. Este fotógrafo foi un gran compositor do retrato. Con moi poucos medios logrou realizar unhas extraordinarias obras.

Di del Silvia Pampín que "considerado un dos mellores retratistas do mundo, retratou os seus paisanos combinando modernidade, depuración técnica e documento social, recurrindo a unha coidada escenografía coidadosamente elexida e de sorprendente orixinalidade"

Unha clase de documento que impactou moito, ó coñecerse a súa obra fóradas fronteiras galegas, foi o retrato dos defuntos. E impresionantea colección que deste tipo de fotografías posúe. Esto é debido ó culto á morte que se ten na nosa terra en comparación a outros lugares.

A súa obra poidemola ver en Ourense na exposición "150 años de fotografía en España" da man de Publio López Modejar.

Dende PHotoEspaña calificano coma un dos 78 mellores fotógrafos do mundo. Virxilio só tivo un problema, que viviu en Soutelo, lonxe dos grandes centros artísticos que o poideran ter feito coñecido moito antes. De non ter sido así, hoxe estariamos falando dun dos grandes coñecidos do retrato a nivel mundial.

É curioso o que del dí Xosé Luís Suárez Canal, un dos seus descobridores: "Poñía o ollo e tiraba unha sóa foto. Esa era a que valía. É un exemplo de como a fotografía cotián entra nas galerías e museos pola súa enorme visión artística".

"Virxilio Viéitez non é deses fotógrafos que dan mordedelas secas por roubarlle un plano á Historia. O seu foi deixar que o tempo pasara, alleo a todo, incluso a si mesmo. Na noite de onte acadou o cumio da indiferencia, na súa casa de Soutelo de Montes, na bibarra que fixo inmortal e que percorría naquel Seat 1500 que comprou para levar á noiva das bodas; ou coa Moto Guzzi para a faena discreta de ir polos camiños de carriza a buscar xente, vida, a disparar". (Antonio Lucas)

CQC no Congreso do PSOE

Tres días estivemos no Congreso Federal do PSOE en Madrid, e foron tres días nos que compartimos algúns momentos cos do Caiga Quien Caiga.
Eu tiven a oportunidade de presenciar varios dos cortes que saen no vídeo xa que se produciron ó carón da zona dos bloggers.
Por certo mítico o momento en que "confunden" a Tuco Cerviño con Rajoy, e o do regalo do disco de Supertramp "¿Desaceleración, qué desaceleración?
;)

O que lle importa o PSOE. O que lle importa á sociedade. O que non lle importa ó PP

O luns pasado por estas horas, aínda case sen tempo de dixerir e analizar todo o que acontecera no 37 Congreso Federal do PSOE, Mariano Rajoy facía un breve balance e sentenciaba: "El PSOE sólo habla de aquello que no les interesa a los españoles".

Estas cousas que segundo a el non lle interesaban ós españois eran o xiro cara a laicidade, o dereito á eutanasia, a lei de prazos do aborto, etc...

Este domingo no xornal El País podiamos ver unha enquisa que se titulaba "O primeiro exame ó governo" (da cal non saía todo o ben parado que a min me gustaría) que desvelaba cal era o interese da cidadanía sobre estes temas.

Resumindo: Un 80% da poboación está a favor da regulación do dereito a morrer dignamente e da eutanasia (62% entre o s votantes do PP e 92% entre os do PSOE), un 64% dos/as españois están a favor da reforma da lei do aborto para que adopte unha lei de prazos, un 59% dos votantes están a favor de que os inmigrantes non comunitarios que residen en España poidan exercer o seu voto nas eleccións municipais e son amioría (superando entre dez e quince puntos) os que opinan que se debe avanzar máis na laicidade do Estado.

Mentres esto acontece, Rajoy segue en babia, sumido e inmerso no seu particular mundo, sen ver que a sociedade reclama que se avance máis nalgúns temas sociais e de carácter relixioso.

Fin de semana cultural en Castro Caldelas

Dende o día 31 de xullo ó 2 de agosto non vai faltar que facer e que ver en Castro Caldelas. Xa vos comentei hai días que nas noites do 31 de xullo e 1 de agosto iamos poder desfrutar, gracias á organización de Amigos de Caldelas, de dúas noites de contos no Mosteiro de San Paio, con Quico Cadaval e Carlos Blanco. As entradas podedes atopalas aquí.

Ademais o día 2 de agosto celebrarase o xa tradicional Festival Ponte Louco, cun fabuloso cartel, coma sempre. Dende aquí darlle tamén os parabéns a Juan Luis, Natalia, Teti, Alejandro, Encarna, e ducias de persoas máis. Gracias a elas temos Ponte Louco todos os anos.

Sinto vergoña

Imaxino que a estas alturas xa todos/as estaredes enterados/as do último drama que acaba de acontecer no Estreito de Xibraltar. Antonte á noite arribaban ás costas almerienses 33 persoas a bordo dunha embarcación de salvamento marítimo. Había poucvo que foran rescatados dunha patera co motor avariado.

Pero o pior non foron esas 33 persoas que chegaron exhaustas e en estado de shock. O pior eran os seis adultos e nove bebés que tiveron que tirar pola borda, logo de morrer, nos seis días que andiveron á deriva.

Esta gravísima traxedia sumase á de hai uns días en Granada onde morreron 14 persoas logo de emborcar unha zódiac no rescate.

E cantos quedarán polo camiño sen que ninguén saibamos nada, porque morreron sós en alta mar sen ningún testigo.

Eu sínto vergoña, síntome culpable, síntome responsable, síntome cómplice de toda esta traxedia. Creo que xa non só a "clase" política, senón toda a sociedade deberiamos facer exame de conciencia. Porque está claro que algo estamos facendo moi mal cando permitimos que estas cousas ocorran.

Ninguén se embarca nunha patera, e menos cos seus cativos, xogándose a vida logo de facer unha travesía a pé de varios anos cruzando África, por vicio ou pracer.

Nós somos culpables de non axudar a eses países. E aínda hai quen protesta por invertir parte dos nosos cartos en Axuda ó Desenvolvemento.

Creo que máis palabras sobran.... Só invitarvos se queredes colaborar a que vos unades a unha ONG que está a traballar moito polo desenvolvemento sostible nalgúns países que pasan moitas necesidades: Solidaridad Internacional, e da súa irmán galega Solidaridade Internacional (con oficiña e tenda en Ourense).

O Congreso da ilusión

Delegación ourensana con Emilio Pérez Touriño no 37 Congreso do PSOE

Imaxe de Baffypeess para o xornal La Región

Artigo publicado no xornal La Región no día de hoxe.

Volto do 37 Congreso Federal do PSOE. Volto do Congreso dos debates, do Congreso da ilusión, do Congreso das ideas.

Chego a Ourense cheo de ilusión e de esperanza porque acabamos de elixir unha executiva que aporta nova savia e novas ideas. Unha executiva, coa cal o mellor do socialismo está por chegar. Un grupo de dirixentes cheos de frescura e de decencia política. Nomes como os de Elena Valenciano, Carme Chacón, Edu Madina, Antonio Hernando ou Leire Pajín, por citar algúns, son todo un luxo para un partido político.

Leire Pajín, a protagonista deste Congreso e “amiga da alma” de Laura Seara, como a mesma Pajín se definiu, é un referente e un luxo para todas e todos os socialistas de España. Unha persoa que leva dende os quince anos loitando polos dereitos dos máis desfavorecidos, pola igualdade e contra a pobreza.

Pero este non foi o Congreso das persoas, este foi o Congreso das ideas. Abordamos os temas que lle interesan á sociedade, aínda que para Rajoy, estes son problemas menores e secundarios

Nas comisións falamos e debatemos sobre a laicidade do Estado, a lei de prazos do aborto, a prostitución, o dereito a votar dos inmigrantes, a cibermilitancia, o dereito a unha morte digna, o modelo autonómico, o cambio climático, o gasto social... E aínda hai quen di que xa non existe a dereita e a esquerda. Por certo, esto, sempre o din as persoas de dereitas.

Había tempo que non se recordaba un congreso dun partido onde se asumiran tantos compromisos sociais e de tanto calado. Política e máis política, pero política de esquerdas, era o que rezumaban esta fin de semana as paredes do Palacio de Congresos de Madrid.

E nos debates, os delegados e delegadas galegas participamos activamente e en primeira persoa, con novas propostas e novos avances para construír o socialismo e a España do futuro. Non podía ser doutro xeito, porque como dixo Zapatero, tennos o ollo posto ó Partido dos Socialistas de Galicia, sabedor de que podemos romper o mito da Galicia conservadora. E así, avanzar na transformación progresista, modernizadora e de esquerdas.

Persoalmente, quero destacar o papel que xoguei, xunto a outros compañeiros de diversas agrupacións de España, nos avances dun novo tipo de activismo político: a cibermilitancia. Un partido político non pode ir por detrás dos avances da tecnoloxía e da sociedade a así o asumiu, sen reparos, o PSOE.

Hai quen di que este foi un Congreso á “búlgara”, pero este foi un Congreso dos consensos e dos avances sociais, onde non se viu a ninguén enfadado, frustrado ou decepcionado.

Volto deste Congreso ilusionado e esperanzado, porque creo que estamos a escribir o que será o futuro da política do PSOE, e polo tanto o futuro da política de España. E pódovos dicir que é a outra cara da moeda desa política amarga e rancia que escribe o Partido Popular.

Eladio Osorio Montenegro

Outro xeito de ver o 37 Congreso do PSOE

Un xeito distinto de ver o 37 Congreso do PSOE que acaba de rematar. As imaxes son de Yeray e podedes atopalas no seu rincón no Flickr.A primeira delasé, supostamente Zapatero.

Esta outra é Pepe Blanco ofrecendo un discurso a todas e todos os delegados do Congreso deste pasado fin de semana.

Por último este é un ciberdelegado, coa barba mal afeitada, abrindo o seu portátil para contarlle ó Mundo o que acontece.

Mañá publico un artigo no xornal La Región sobre o acontecido nestes tres últimos días no seo do PSOE, así que mañá a comprar o xornal ou lelo na súa web. Cando teña un momento tamén o colgarei eu por aquí

Últimas horas no Congreso

Imaxino que a estas alturas, os/as que vos interese, xa saberedes a composición da Executiva e demais órganos do partido, porque aquí os segredos duran pouco. Agora mesmo acabo de votar o Comité Federal, a Comisión Federal de Ética e Garantías e a Comisión Executiva Federal. Dentro dun rato darán os resultados e logo iremos á clausura ó plenario.

Onte saberedes que Zapatero foi reelexido Secreatio Xeral cun apoio de máis do 98%.

Pero o máis bonito deste Congreso foi o debate das ideas. Que por certo, houbo moitas ideas, e moito debate.

Como anécdota contarvos que onte a noitiña cando xa tiñamos reservado para cear, cambiamos os plans. Chamounos a nosa compañeira, Elena Espinosa e convidounos a ir cear con ela á casiña que ten dentro do recinto do Ministerio.

Alí estivemos un grupo de amigos/as e compañeiros/as ata ben entrada a madrugada.

Boa comida, bo viño e bos licores.... Cando queirades unha boa dorada ó forno chamade a Elena que vos dea a receita, porque estaba boísima ;)

Unha aperta e ata pronto, dentro dunhas horas xa voltamos de regreso.

A foto do Congreso

Confirmado, o que era un segredo a voces: Pepe Blanco, Vicesecretario e Leyre Pajín, Secretaria de Organización.

A foto (aínda que algo maliña) reflicte a emoción coa que Leyre acolleu esta nova.

Tres galegos/as na executiva: Pepe, Carmela Silva e Bugallo, alcalde de Santiago ;)

A delegación galega chea de ledicia por todas estas apostas.

Un partido moderno

Un partido moderno, que muda cousas, que avanza para adaptarse á sociedade. Neste camiño está traballando o PSOE.

É espectacular os avances en novas tecnoloxías que hai neste Congreso. Nin eu, que procuro estar ó día en todo esto, me entero de todo. Será que me fago vello e me supera xa todo esto?

Un avance moi importante é crear estructuras municipais nas grandes cidades. E outra o de crear estructuras provinciais no País Valenciano e en Galicia, onde aínda non existían. Esto non ten porque supor o fin das estructuras comarcais. Pero, é verdade, que suporá un gran avance para que a estructura do Partido se pareza máis á sociedade.

Seguireivos contando ó final da tarde ou mañá pola mañá.

Agora vou a votar para o Secretario Xeral do Partido.

Apertas dende Madrid.

Xiro cara a esquerda no PSOE

Cando en España parecía que si un partido político non xiraba cara o centro estaba perdido, cando tanto o PP coma o PSOE pelexaban por acaparar este espazo porque si nos facía así parecía que nunca se gañarían unhas eleccións, o PSOE xira con paso firme cara a esquerda.

Pero xira a esquera non como imposición dun sector do Partido. Xira a esquerda porque todos e todas as militantes cremos que así debe ser.

Vaise producir un avance importantísimo no carto suposto do aborto, no tocante á eutanasia e no referente á laicidade do Estado.

Eu estou pletórico e feliz, porque creo firmemente nestes tres avances cara a un Estado máis sensible con tres grandes problemas que a sociedade reclama que se arranxen.

Noutra orde de cousas, onte escoitando a todos e todas as cabezas de delegación rexionais púxoseme a pel de pita escoitando a Patxi López. Unha persoa que, estou convencido, será o próximo lehendakari vasco.

O ruxe ruxe segue nos pasillos e nas comisións sobre como vai a quedar a executiva. Todo apunta a que Pepe Blanco deixará Organización para escalar cara a unha nova Vicesecretaría do PSOE e o seu posto será ocupado por Leire Pajín.

Entre a delegación galega non está de todo claro quenes estarán na Executiva. Está claro que estará Pepe Blanco e Carmela Silva. Pero o máis seguro e que haxa un terceiro nome, unha muller...

A ver como quedan as cousas, porque entre a delegación galega hai un certo desasosiego...para que contar máis.

Do resto, aquí aprendendo moito, e desfrutando dalgo que me gusta moito: a Política. Poder defender avances que logo recollerá o meu partido e que se porán en marcha (espero) en España.

Esto está arrancando

Pois nada, amigos/as, chegamos ben a Madrid. Eran as 12 e xa estabamos no recinto do 37 Congreso Federal (e sin perdernos).

Pola mañanciña non moita cousa: constitución da mesa (por certo está Ricardo Varela nela), informe de xestión, un fenomenal discurso de Pepe Blanco...

Logo comida, e o máis importante ver por primeira vez fisicamente a moitos cibermilitantes e compañeiros/as coñecidos só na rede.

Estiven con César Calderón, José Luis Prieto, Blas García, Carro, Miguel Fidalgo, Iván Puentes, etc... Algúns de nós estivemos concretando un frente común para defender as enmendas relacionadas coa cibermilitancia socialista.

Agora á tardiña ímonos xuntar a delegación de Galicia para aunar posicións e preparar as comisións.

Por certo, eu vou estar na comisión catro, son o único de Ourense presente nesta comisión: a de Estatutos. É a comisión máis importante e onde se van decidir as futuras liñas políticas do PSOE nos vindeiros catro anos.

Non teño moito tempo para seguir escribindo, pero prometo contarvos de cando en vez como vai todo esto.

Unha apertiña dende Madrid.

Pola Paz

Non son nada afeccionado á música de Juanes, pero creo que hoxe merecen que colgue este vídeo no meu blog como homenaxe á liberación dun grupo de reféns que levaban moitos anos presos nas mans das FARC.
Este tema está a ser moi mediático porque estre ós/ás liberados/as atopábase Ingrid Betancourt. Pero non debemos esquecer que na selva colombiana, como noutros moitos lugares do Mundo hai moita xente presa e secuestrada por mal chamados grupos de liberación ou revolucionarios.
Non hai nada neste Mundo que xustifique un asasinato nin un secuestro.
Noraboa ó exército colombiano e a todos/as aqueles/as que combaten o terrorismo en calquera lugar do planeta.

Elena Espinosa nas futuras oficiñas da CH Miño-Sil

Moito traballo, esforzo e loitas lle costou o PSdeG ourensán convencer de que a sede da tan ansiada Confederación Hidrográfica Miño-Sil-Limia tiña que estar na cidade das Burgas, pero conseguiuse.

Hoxe Elena Espinosa acompañada de Jorge Marquínez (presidende provisional da CHMSL), Pachi Vázquez e Paco Rodríguez presentaron as dependencias que albergarán en cuestión de días á Confederación Hidrográfica na capital ourensana.

En menos de dez días xa terán novo presidente. Un gran éxito para todos/as os/as ourensáns.

E a Elena esperamos vela en pouco máis de tres semanas por Castro Caldelas, pero xa vos irei contando.
Agora vou preparar a maleta para marchar cara a Madrid ó 31 Congreso Federal do PSOE.

Vídeo de benvida de Zapatero ó Congreso do PSOE

No Congreso do PSOE estase a dar un pulo ás novas tecnoloxías. Este será o vídeo que recibiremos no móbil nada máis chegar ó recinto.

Preparándose para o 37 Congreso Federal

Estes días, como podedes comprobar, estou algo máis vago que de costume para escribir. Hai quen xa me chamou para ver si era por mor da enfermidade que me diagnosticaron hai pouco, e que non levo moi ben polos seus efectos colaterais (problemas coas miñas gatiñas).

Estou intentando mudar os costumes dentro da miña vivenda para ter o menor contacto posible con elas, pero a verdade é que se me cae a alma ós pes. Vexoas pasar por diante de min, súbense o meu regazo, frótanse contra as pernas, miáñanme con cariña de pena para que lles dea unhas cariñas, pero eu a manter o mínimo contacto con elas. A verdade é que é moi triste.

Pero bueno, o que iamos... Estes días andamos a prepararnos para o 37 Congreso Federal do PSOE que se desenvolverá en Madrid. Da provincia de Ourense imos 9 compañeiros/as capitaneados polo noso Secretario Provincial Pachi Vázquez.

Estes días eu ando inmerso en darlle un vistaciño á ponencia marco e ás emendas que presentamos á mesma.

Espero pode contarvos o día a día do congreso dende Madrid.