Onte asistimos no Hotel Monumento de San Francisco en santiago de Compostela á presentación das candidaturas do PSdeG-PSOE ó Congreso e ó Senado. Foi un acto para presentar as persoas que compoñen as candidaturas, pero tamén para presentar as liñas mestras das nosas propostas.Como xa vos adiantara hai uns días contamos con dúas personas da comarca nas listas, Eva Méndez (suplente Congreso) e Paco Magide (suplente Senado).
Alí estivemos respaldando os nosos candidatos Elena Espinosa, Alberto Fidalgo e Miguel Fidalgo, pero tamén a Antón Louro (Pontevedra), Pepe Blanco (Lugo) e César Antonio Molina (A Coruña). Agora quédanos a todas e todos os socialistas explicar ben cales foron os logros que se acadaron co PSOE gobernando e cales serán os que se acadarán se Zapatero revalida o apoio maioritario dos españois e españolas, porque quen verían a España gobernada polo Acebes, Zaplana, Rajoy, Pujalte e compañía... Non o quero nin pensar
.jpg)
Entradas
3 comentarios:
Descoñezo o resto das persoas que integran as candidaturas nas catro provincias galegas, mais dende logo os que saen en cabeza sonche de segunda fila todos. Non votarei Ps de G-PSOE.
Je, je, je....
Esto si que manda carallo. Dicir que os cabeza de lista do PSdeG-PSOE en Galicia son de segunda fila ten coña. A Coruña: César Antonio Molina escritor e Ministro de Cultura. Lugo: José Blanco: Secretario de Organización do PSOE. Ourense: Elena Espinosa: Misitra de Agricultura. Pontevedra: Antón Louro: ex-secretario de organización do PSdeG-PSOE e coordenador dos deputados galegos no Congreso. Está claro que si non os coñeces ou é que non ves a televisión e a prensa ou que non che interesa nada en absoluto a política e non sabes nin quen é o presidente do goberno. Por certo imaxino que si que coñecerás os candidatos do PP e do BNG, moi mediáticos eles e que se deixan ver por todos os lados. Para máis datos PP: Celso Delgado. BNG: Iago Tabarés. Seguro que a estes si que os coñeces, verdade? Ou igual coñeces o abano de deputados nacionais e senadores que ten o PP na provincia de Ourense, tamén todos eles supercoñecidos pola súa incansable labor en pro da nosa provincia:Celso delgado, Ana Belén Vázquez, Armando González, María Mercedes Gallego, Amador Vázquez e Isaac Vila
Ariadna. Je, je, je... Xa vexo que coñeces moi ben os políticos sobre todo os do PS de G-PSOE, paréceme ben. Os catro cabeza de lista son de primeira liña sobre todo porque son moi "populares" (coñecidos) e saen nos medios de comunicación, día sí e día tamén, mais son de segunda fila na defensa dos intereses de Galicia, a disciplina que lles impoñen desde Madrid hai que obedecela e hai que votar o que mandan, pois o PS de G é unha sucursal do PSOE. Si queres ver como defenden os nosos diputados (de primeira liña)os intereses de Galicia entra na páxina http://es.youtube.com/watch?v=tQFyJbgRoXM e verás durante a intervención de Francisco Rodríguez (BNG)en defensa do sector naval en Ferrol o abandono masivo de diputados o hemiciclo, galegos tamén, que xa ten delito.
Logo tamén podes preguntarlle a José Blanco de Palas de Rei(en castelán, por favor)polo trazado do A-76 por Caldelas ou por Monforte. Gracias. Un saúdo.
Publicar un comentario