¿Quen é o candidato do PP á Xunta de Galicia?

Necesito axuda, estou feito un lío, xa non sei quen é o candidato do PP á Presidencia da Xunta de Galicia. Pero, ¿a Fraga non o xubilaran?

De verdade, non entendo nada. O PP anunciara a bombo e platillo unha campaña na que o seu axente 009, o encargado de recargarse Galicia ía ser o único protagonista, pero xa vedes, volven a sacra ó Fragasaurio do armario.

Agora nos carteis dos autobuses arxentinos (fotografía tomada "prestada" do blog de Blas García) lucen xuntos o que se cargou Galicia e o que a quere recargar.

Xa vedes, no PP todo son aires de modernidadee aposta polo futuro do noso País, un partido político comprometido coa nosa terra e a xente nova.

Escándalo no PP. Baltar ten que dimitir.

Baltar é un dos políticos máis "pillos" que coñezo e é moi difícil pillalo nun renuncio, aínda que facer fainos a diario. Pero desta vez meteu a pata hasta o fondo. Foi de viaxe oficial a Arxentina e Uruguai como Presidente da Deputación e adicouse a facer actos do Partido Popular, mezclando o institucional co partido.

No cumio dos seus desatinos non se lle ocorreu mellor idea que ó remate dun acto do PP, e no mesmo estrado, asinar un convenio de colaboración entre a Deputación de Ourense e o Fogar español do ancián.

Imaxino que desta vez presentará a súa demisión sen que ninguén lla teña que pedir.

Podedes ampliar a información no xornal El País.

Agora imos para o Pleno, que promete ser movidiño, e despois cóntovos.