Gracias pola democracia

Hoxe, día 15 de xuño, cúmprense 30 anos das primeiras eleccións democráticas en España. Dende este pequeno portelo só quero darlle as gracias a todas e todos aqueles que fixeron posible que hoxe vivamos nun país libre.

A algúns de nós podenos parecer moi lonxana esta época, sobre todo os de menor idade, pero hai que recordar que hai só tres décadas en España estabamos sometidos a unha dictadura.

Temos ante nós un dos maiores dereitos dos cidadáns que é o de elexir a aquelas persoas que queremos que nos gobernen. Noutros países non teñen este dereito, e algúns de nós ou os nosos país ou avós tiveron que soportar longos anos nos que outros decidían por eles.

Por eso hoxe dende aquí quero facer un chamamento para que non desaproveitemos esta oportunidade que nos dá a democracia e que é poder elexir os nosos representantes políticos. Así que quero animarvos a que cada vez que teñades oportunidade votedes para poder expresar cal é o voso sentir.

Nova corporación municipal

O vindeiro día dezaséis de maio, sábado, constituirase a nova corporación municipal de Castro Caldelas. As corporacións fórmanse vinte días despois das eleccións.

O proceso é como sigue: Constitúese unha mesa deidade na que o máis maior da corporación exerce de presidente e o máis novo de secretario. Logo procédese a xurar ou prometer o cargo, nun acto un tanto protocolario e rimbombante. Máis tarde elíxese o alcalde. Nos concellos coma este, nos que non hai pactos, preséntanse os cabezas de lista das candidaturas (o resto de concelleiros/as non podemos a non ser que renuncie expresamente o cabeza de lista), logo sométese a votación e queda elexido aquel/a que posúa a metade máis un dos votos. No caso de que ningún dos/as candidatos/as acade a maioría absoluta queda proclamado alcade o cabeza de lista da forza máis votada nas eleccións.

Se non hai novidades o alcalde será por catro anos máis Eladio Osorio Castro, e a corporación quedará conformada como sigue:

1.- Eladio Osorio Castro (PSdeG-PSOE)

2.- Alberto José Labrador González (PSdeG-PSOE)

3.- Sara Inés Vega Núñez (PSdeG-PSOE)

4.- Eladio Osorio Montenegro (PSdeG-PSOE)

5.- Manuel Pérez Villar (PSdeG-PSOE)

6.- Rosa Domínguez Rodríguez (PSdeG-PSOE)

7.- Antonio González Amaro (PP)

8.- María Lourdes Pérez Fernández (PP)

9.- Camilo Cid Pumar (PP)

Hesamen de jografia hexpañola

Hoxe propóñovos que lle votedes un vistazo a este examen de xeografía española dunha nena de doce anos, ou mellor dito "jografía hexpañola".

Eu non quero entrar no eterno debate se si antes os rapaces e rapazas sabiamos máis que os de agora, ou se os de hoxe en día están máis preparados e máis especializados do que nos estabamos. Só quero que vexades o examen en cuestión e que vós mesmos opinedes sobre o nivelazo desta cativa.

Tiña oído moitas veces sobre as verdadeiras xoias de probas de coñecementos que manexan os profes, sobre todo amiña irmá que é profesora de Lingua e Literatura en Alcántara (Cáceres), pero nunca tivera a ocasión de ver con deteñemento un destes exames.

Creo que alguén tiña que promover un museo para gardar para a posteridade estas obras de arte, xa que creo que é un ben que o noso País non debe perder.

Fóra bromas, non me podo imaxinar a cara do ou da profe á hora de corrixir dita proba.

Se o queres ver con deteñemento pincha no enlace de "Hesamen de jografia hexpañola". Espero que vos divirtades.

A hora de rendir contas sobre a porra comarcal

Bueno, logo duns días de merecido descanso, creo eu, aquí volvo a escribir. Unha das últimas entradas que fixen antes do día das eleccións locais do 27 de maio foi unha porra comarcal na que facía pública a miña aposta sobre os resultados elecctorais da comarca.

Houbo algunhas persoas que nas súas entradas deixaron ver que non eran tan optimistas coma min, pero xa vedes ahí está os resultados.

Por certo cando fixen a aposta esquecinme de poñer o concello de Vilariño de Conso que aínda que non é da comarca de Trives propiamente dito, a efecetos meus si que o computo xa que son o secretario comarcal de Trives-Caldelas, e Vilariño de Conso entra nesta comarca.

Pero ó que ía, antes do 27-M esta bisbarra estaba gobernada por un alcalde independiente, un alcalde socialista e sete alcaldes do Partido Popular. A verdade é que parecía case imposible gobernar nalgún outro concello, pero aí están os resultados. Se todos os pactos se resolven como deberan o PSOE gobernará en catro Concellos (en dous co apoio do BLoque), os independentes en un (co apoio do PSOE), o BNG en outro (tamén co apoio do PSOE) e o PP en tres. Imos a ver de un en un.

Vilariño de Conso: Teño que pedir disculpas por esquecerme na porra del. O resultado anterior era PP 5, PSOE 1, BNG 1. Teño que ser sinceiro e dicir que a miña aposta houbese sido un 4-2-1, tendo 2 o PSOE. Pero o resultado foi 3-2-2, sendo a forza máis votada o PP e empatando en concelleiros PSOE e BNG. Se se leva a cabo un pacto de goberno o alcalde sería o número un do PSOE por ter sido máis votado co BNG. Dende aquí quero mandarlle unha aperta ó futuro alcalde de Vilariño de Conso: Arcadio, que fora meu profesor de Lingua Española no Instituto de Trives.

Manzaneda: Eu apostara pola perda da maioría do PP e que o PSOE quedaría por diante do BNG. Acertei a medias, o PP perdeu a maioría absoluta (aínda que ande intentando ganala nos despachos, pero esto dará para outra entrada) pero o Bloque superou o PSOE por 16 votos. O alcalde pasaría a ser Toño da chacinera do BNG e o tenente-alcalde Herminio da ferretería. Os meus parabéns para os dous.

Chandrexa de Queixa: Eu vaticinei que o resultado sería PP 6, BNG 1 e PSOE 0. E o resultado foi así. O PSOE ten en Chandrexa o seu talón de Aquiles comarcal. As urnas deixaron a composición do concello tal como estaba.

San Xoán de Río: Apostei por PP 3, PSOE 3, BNG 1. O resultado foi un concelleiro máis para o BNG e un menos para o PSOE, de todos os xeitos o goberno estará igualmente conformado por socialistas e nacionalistas. O alcalde será Dario da Caixa e o tenente-alcalde será Miguel de Freixo, antigo compañeiro meu de instituto. Unha aperta para os dous.

A Pobra de Trives: Eu dixera que o PP perdía a maioría absoluta e así foi, pero apostara por un PP 5, PSOE 3, ATI 2 e BNG 1 e houbo sorpresa xa que os independentes comandados por Fran acadaron catro concelleiros. Así o resultado foi PP 5, PSOE 2 e ATI 4. No goberno municipal Fran será o alcalde e Paco da Telefónica o tenente-alcalde. Noraboa ós dous por acadar un cambio de goberno en Trives logo de 20 anos do PP.

Castro Caldelas: Propuxen un 6-3 para o PSOE e así foi. Era imposible revalidar o 7-2 das elección de 2003 xa que daquela déranse unha serie de condicións que hoxe non se daban. Aínda así o PSOE conta cun dos mellores resultados de toda Galicia. Está claro que aquí o PP non levanta cabeza.

Montederramo: Para min é a espiña cravada logo do 27-M, e sinto moito por Juan Domarco o noso candidato e un incansable loitador contra as maneiras caciquís de gobernar Montederramo. Eu vaticinei a perda da maioría absoluta para o PP cun resultado de PP 4, PSOE 3 e BNG 2, pero o PSOE quedouse con dous concelleiros, e se o BNG lograse sacar 9 votos máis hoxe teriamos un alcalde nacionalista en Montederramo, pero así son as cousas.

A Teixeira: Unha sorpresa para min. O PSOE levava uns 20 anos sin representación e acadamos 2 concelleiros, un a costa do Bloque e outro a costa do PP. O resultado foi PP 5, PSOE 2. É un moi bó resultado. Parabéns para Alberto e Miguel Solla.

Parada do Sil: A xoia da coroa. PAco Magide alcalde con maioría absoluta. Cravei o resultado. PSOE 4, PP 3, TEGA 0, BNG 0. O PSOE subiu dous concelleiros a costa do PP e os scialistas van a gobernar Parada do Sil por primeira vez na historia e con maioría absoluta.

Resumindo, antes do 27-M o PP gobernaba en sete concellos, o PSOE en un e os independentes noutro. Despois do día 16, que é cando se constitúen as corporacións o PSOE terá catro alcaldías, o PP tres o BNG unha e os independentes outra. O PSOE estará formnado parte do gobeno en seis concellos: Castro Caldelas, Parada do Sil, San Xoán de Río, Vilariño de Conso, A Pobra de Trives e Manzaneda. O PP coma sempre non ten con quen pactar e só formará goberno en Chandrexa de Queixa, A Teixeira e Montederramo

Cousas da campaña

Esta é unha das fotos anecdóticas desta campaña. A instantáneasacóunala Santi M. Amil, fotógrafo de La Voz de Galicia e tena colgada no seu fotoblog friki como el di.

Na imaxe estamos Miguel Fidalgo (coordenador da campaña do PSOE en Ourense) e moi coñecido por ser unha das persoas que é capaz de blasfemar máis veces por minuto, Carlos Rodríguez (xefe de gabinete da Consellería de Medio Ambiente) e máis eu.

A verdade é que a foto é curiosa, emáis co títilo que Santi lle puxo no se u fotoblog: Tres floripondios ó sol.

Está sacada nos xadinciños de Padre Feijóo, fronte ó café da Coruñesa mentres estabamos esperando a que o ministro Jordi Sevilla rematara de falar cun grupo de xente para logo levalo a Barbadás, onde tiñamos un mitin programado. As margaridas do fondo eran dunha campaña dos comerciantes do centro de Ourense.

Porra Comarcal

Hai uns días prometín que ía publicar no blog a miña porra comarcal. Sabedes que esto é moi difícil de acertar, porque nun concello aínda podes cravar os resultados, pero cravalos nos oito das comarcas de Trives e Caldelas xa é máis complicado.

De todos os xeitos voume arriscar e aí van:

Castro Caldelas: PSOE 6 – PP 3 – BNG 0

Montederramo: PP 4 – PSOE 3 – BNG 2

A Teixeira: PP 5 – PSOE 1 – BNG 1

Parada do Sil: PSOE 4 – PP 3 – TG 0 – BNG 0

Chandrexa de Queixa: PP 6 – BNG 1 – PSOE 0

Manzaneda: PP 4 – PSOE 3 – BNG 2

San Xoán de Río: PSOE 3 – PP 3 – BNG 1

A Pobra de Trives: PP 5 – PSOE 3 – ATI 2 – BNG 1

Espero non fallar moitos. Saberémolo o 27 á noite

A campaña máis inxeniosa destas eleccións municipais

Nestas eleccións municipais levo visto moitas campañas, tanto do meu partido, o PSOE, como doutras formacións. Non me refiro só ás campañas de Ourense senón ás de toda España.

Ó estar metido no meollo das campañas electorais vés moitas cousas que nunca chegan "á rúa" e que son verdadeiras xoias, pro que por diversas razóns non chegan nunca ós cidadáns.

Eu estou prendado da campaña do PSOE de Cartagena e do seu canddato, Ignacio Segado.

Non sei se conseguirá ser alcalde ou non, pero ganas e sobretodo imaxinación non lle falta.

Entrade na web de Ignacio Segado e vede a ver que vos parece, non vos quededes sólo coa introducción, entrade nos vídeos, etc...

Aznar dixit "Cada voto que no vaya al PP será un voto para que ETA esté en las instituciones"

Xulgade por vós mesmos/as. Noticia sacada do diario El País no día de hoxe. Este home cada vez que habre a boca é para dicir unha burrada máis grande.

El ex presidente del Gobierno José María Aznar ha asegurado hoy en un mitin del PP en Calatayud (Zaragoza) que "nunca un cambio [de Gobierno] fue tan urgente y necesario por haberse puesto en cuestión los pactos de la Transición, el modelo territorial y por haberse destruido la política antiterrorista". A este respecto, Aznar ha advertido de que en las elecciones del 27 de mayo "cada voto que no vaya al PP será un voto para que ETA esté en las instituciones". Para el ex jefe del Ejecutivo, "no puede gobernar un señor [en referencia a Zapatero] que no sabe si existe la nación española" y que "ha conseguido que media España no acepte a la otra media, una política de exclusión que los españoles habíamos superado".

Según informa en un comunicado la Fundación para el Análisis y los Estudios Sociales (FAES), de la que Aznar es presidente, el ex mandatario ha apuntado durante su intervención que "no existe un ejemplo de deslealtad tan grande como el de Zapatero", porque "con los terroristas no hay nada que negociar excepto si les das la razón; y, si lo haces, ten el coraje de decirlo pero no mientas a tu partido, a la oposición, a la sociedad". En su opinión, "al terrorismo se le combate o se rinde. Y hoy saben que van ganando", ha indicado, al tiempo que ha asegurado que el Gobierno socialista ha permitido a los violentos volver a las instituciones. "Cada concejal que saque ANV será responsabilidad personal e intransferible de Zapatero. Es la peor noticia para los españoles", ha dicho. "Cada voto que no tenga el PP será un voto para que ETA esté en las instituciones", ha añadido el presidente de honor del PP.
"España no necesita remover huesos"
En su opinión, el Gobierno de Zapatero "ha puesto en cuestión las bases esenciales de la Transición frente al rumbo claro que llevaba el país, que miraba al futuro". En este sentido, el presidente de FAES ha indicado que "España no necesita mirar hacia atrás, remover huesos, ni mirar al pasado". Asimismo, ha manifestado que "nunca antes, hasta Zapatero, ningún presidente de España había puesto en cuestión los pactos básicos de la Transición. Él sí, y de una manera injustificada".
A juicio de Aznar, "Zapatero ha conseguido que media España no acepte a la otra media, una política de exclusión que los españoles habíamos superado". El ex jefe del Gobierno ha denunciado "el proceso de desnacionalización y debilitamiento del Estado que vive España" y que "rompe con el modelo territorial". Por ello, se ha mostrado en contra de que gobierne el país "un señor que no sabe si existe la nación española; lo menos que se le puede pedir es que crea en España", ha resaltado.

Porra Municipais 2007 Castro Caldelas

Hoxe que dispoño duns minutiños entre tanto follón de organizar actos, mítines e demais cousas desta campaña quero invitarvos a que entre todos e todas fagamos unha porra destas eleccións municipais en Castro Caldelas.

Para despois das eleccións saber cal é a aposta de cada quen prégovos que empreguedes un pseudónimo ou un nome, o que queirades, pero de tal maneira que vos podades identificar e saber cal é a vosa aposta.

A miña a posta é a seguinte: PSOE: 6 concelleiros, PP 3 concelleiros, BNG 0 concelleiros.

Si teño un momento nestes días ampliarei dita porra a toda a comarca de Caldelas e de Trives. Animádevos e facede a vosa previsión. Eso sí, pídovos que independentemente da vosa opción política mostredes o máximo respecto a toda a xente, xa que ultimamente hai algúns anónimos que empregan en demasía o insulto.

Actos, actos e máis actos

Estes días dende a organización do PSdeG-PSOE non paramos. Xa case parecemos un circo ambulante. A miña xornada laboral comeza as 8:30 da mañá e moitas veces cando chego á casa xa é o día seguinte. Reunións, actos, conferencias,charlas, etc... Todo o día colgado o teléfono, chamadas, mensaxes, etc. Non vos digo canto me ven de factura do móbil porque vos podería asustar. Dende logo se ata o de agora esto era moi estresante, a partir de agora xa non ten nome.

Despois de semana santa xa estamos a tope. Esta semana comida da candidatura de Castro Caldelas, acto de homenaxe a Manuel Suárez (alcalde socialista de Ourense na República), acto de presentación en Verín con Ricardo Varela, homenaxe a Celso Montero con Alfonso Sobrado Palomares (que fora xefe de gabinete de Felipe González), acto de presentación dacandidatura de Ourense con Pepe Blanco, acto de presentación de Cortegada, acto de presentación de Piñor, e ufffff non paramos. Agora todavía quedan presentar as candidaturas na Xunta Electoral, a campaña, a constitución dos concellos, as reclamacións, e traballo e traballo sen parar ata agosto.

Espero ter algo de tempo para poder escribir, pero a verdade é que cada vez teño menos.

Presentación da candidatura do PSdeG-PSOE en Castro Caldelas

Onte, no Castelo de Castro Caldelas, estivemos presentando a candidatura dos socialistas caldelaos ás eleccións municipais. Hai días que xa vos adiantei neste mesmo blog quenes eramos os candidatos e candidatas.

Estivemos arroupados por Pachi Vázquez, conselleiro de medio ambiente e secretario provincial do PSdeG-PSOE, Laura Seara, deputada autonómica e secretaria de igualdade da executiva nacional, Carmen R. Dacosta, delegada de Traballo, Conchita Camiña, delegada de presidencia, Monedero, delegado de sanidade, Sueiro, delegado de educación e varios alcaldes e candidatos tanto da comarca como da prvincia.

Peo o máis importante, asistiron duascentas persoas do Concello. Caldelaos e caldelás que se identifican de cheo co proxecto socialista en Castro Caldelas. A partir de agora imos a formar o Comité de Campaña e comezar a realizar o programa electoral, para o que contaremos con todas as aportacións realizables que nos fagan os veciños e veciñas

Esto empezame a dar medo

Onte o presidente do grupo PRISA, Jesús de Polanco fixo unhas valoracións sobre a situación da política no noso país e manifestou que é moi difícil estar de acordo coa acción política dalgúns partidos, especialmente nuns momentos nos que hai quen desexa volver á guerra civil e considerou que se a dereita española recupera o poder, van a vir cunhas ansias de revancha que lle dan moito medo. Tamén afirmou que é moi difícil ser neutral cando unha das partes considera que todo vale con tal de recuperar o poder.

Polanco expresou ademais o seu desexo de que en España existise un partido de dereitas, moderno, laico, con gañas de manter o que hai que manter e de cambiar o que hai que cambiar. Na súa opinión, a dereita española mantén nestes momentos unhas posicións que a alonxan notablemente deste perfil de conservadurismo moderado. Puxo como exemplo desa actitude radical da dereita o apoio a manifestacións como a do outro día, que é franquismo puro e duro.

Eu comparto, practicamente, todo o que dixo. Posiblemente houbese suprimido a referencia á guerra civil. Pero no fondo comparto estas afirmacións, ó igual que as comparte outra moita xente.

Pois hoxe o Partido Popular, por medio do secretario de Comunicación, Gabriel Elorriaga fixo público o seguinte comunicado:

"Ante las intolerables declaraciones del Presidente del Grupo Prisa, Jesús Polanco, contra el Partido Popular al que imputa comportamientos, actuaciones e intenciones abiertamente antidemocráticos, manifestamos que: Dichas declaraciones van mucho más allá del legítimo posicionamiento editorial y de la crítica ideológica.
Las declaraciones ponen en evidencia el profundo sectarismo de Jesús Polanco, desvanecen cualquier pretensión de imparcialidad del Grupo Prisa y comprometen la capacidad de cualquiera de los medios que lo integran de informar de manera veraz y objetiva.
Las declaraciones suponen además una agresión injustificada contra millones de españoles que se ven reflejados en los valores de libertad y democracia que representa y defiende el Partido Popular.
Comunicamos a todos los ciudadanos, y de manera especial a los accionistas, anunciantes y clientes de ese grupo de comunicación que, desde este momento y mientras el Sr. Polanco no rectifique pública e inequívocamente sus lamentables declaraciones, el Partido Popular dejará de atender todas las convocatorias de entrevistas, tertulias y programas del Grupo Prisa y demás empresas controladas por Jesús Polanco".

Non lles chega con controlar a práctica totalidade de medios nacionais e varios rexionais ou provinciais, senón que os queren controlar absolutamente todos. Así o que se salia da súa liña será marcado e repudiado para que se veña a ben. Esto a min recordame a este país e a outras épocas. Incluso chega a facer un aviso a accionistas, anunciantes e clientes para que dalgunha maneira fagan presión ó presidente do grupo PRISA.

Creo que chegamos a un punto no que nós debemos de mobilizar e reaccinar ante esta cadea de sinsentidos que está a levar a cabo a dereita deste país, unha dereita que se escora máis e máis a súa diestra.

Acabamos de dar un paso máis hacia un mundo ó revés. polo ben de todos, da dereita, da esquerda, de España, creo que o PP debe de dar un golpe de temón na súa organización e rachar con esta panda de ultras que o controla. Repito, polo seu ben e polo de todos. Esto é insostible.

O inxenio de Blas, o desnudo de Pataki e as reaccións do PP

Estes días como poderéderes ver non estou moi prolífico en artigos. É por mor das vindeiras eleccións municipais, xa estamos en precampaña e practicamente non teño tempo para nada. Hoxe tampouco vos vou a escribir nada da miña colleita. Só vós quero invitar a que visitedes un blog dun compañeiro do PSdeG-PSOE, e á vez gran amigo (aínda que pareza raro). A dirección é http://blasgarcia.wordpress.com/.

Trátase dun desternillante artigo que as peores “virtudes” da dereita española. De recomendada lectura. Entrade e xulgade por vós mesmos/as.

O dereito a vivir dignamente e o dereito a morrer dignamente.

Hoxe morreu Inmaculada Echevarría, morreu porque ela o desexaba. Levaba 27 anos desexando que chegara este intre.Inmaculada padecía unha distrofia muscular progresiva que a deixou tetrapléxica, conservaba a vida artificialmente (se a eso se lle podía chamar vida) porque estaba conectada a unha unidade de ventilación mecánica.

Este foi un tema que provocou moita controversia nos últimos días como xa o fixera no seu día o caso de Ramón Sampedro. Neste tema, coma noutros moitos onde se fala sobre decisións individuais das persoas sempre se mistura unha certa moralina procedente dos principios relixiosos dalgúns.

Con este tipo de decisións ninguén está reivindicando que cando unha persoa se atope postrda nunha cama de por vida padecendo unha enfermidade irreversible a haxa que desconectar das máquinas. Aquí estamos a falar, sinxelamente, de que cando unha persoa se atope nun caso coma este poda decidir por sí mesma que é o que quere facer. Eu respecto, e moitísimo, aqueles que queiran conservar a vida, dende logo que é moi valente pola súa parte. Pero non é menos valente aquel que decide non seguir vivindo porque a súa existencia carece de sentido.

Deixémonos de crernos con poder de decisións sobre os demais e loitemos por ter a capacidade de decidir por nós mesmos e que non sexan outros os que decidan.

Eu entendo que haxa xente que lle dean reparo este tipo de decisións por estar impregnados da cultura que irradia a Igrexa, pero que eles non entendan a nós, os que non temos a "sorte" de crer nun máis alá, nin nun máis acá, nin nun Deus o que lle pertence a nosa vida...

Un gran día para as mulleres...e para os homes

Hoxe aprobouse no Congreso dos deputados a Lei Orgánica para a Igualdade Efectiva de Mulleres e Homes, donde foi respaldada por todos os grupos políticos (192 votos a favor), excepto o PP que se abstuvo (119 votos). Unha vez máis the Partido Popular is different.

Foi Zapatero quen defendeu a Lei e afirmou que con ela se transformará para ben, radicalmente e para sempre a sociedade. Eu non sei se a transformafá ou será un paso máis, pero dende logo é unha Lei moi importante que axudará a facer xusticia ás mulleres. Dende logo, dende hoxe España será un pouco máis xusta con esa metade da poboación que día a día sofre discriminación pola súa condición de mulleres.

Acebes, facendo gala do seu talante calificou esta Lei como absurda e excluínte, xa vedes, todo un cabaleiro...

Un Luxo par aos oídos,Eduardo Madina en Ourense

O pasado día 8 de marzo, día da muller traballadora, tivemos o enorme pracer de escoitar no "Foro La Región" de Ourense a voz do deputado socialista Eduardo Madina.
A verdade é que nunca escoitara a Edu Madina, pero xa me falaran moito e moi ben del, sobretodo Laura Seara e Lalo G. Rosales. Foi todo un luxo poder escoitar as súas verbas tranquilas, esperanzadoras e tranquilizadoras. Fixo un percorrido, dende o punto de vista social, político e antropolóxico, da sociedade vasca e do panorama actual que se vive tanto en Euskadi como en España. Defendeu que a orixe do "conflicto vasco" xurde como un choque de identidades entre os que defenden a concepción romántica e mitolóxica do nacionalismo e os que defenden dende a ilustración o Estado de Dereito. Ante este conflicto Madina fixo un chamamento á razón fronte ó corazón para defender os ideais. Unha razón que invite o diálogo, e é que Edu invita o diálogo. Vendo o panorama actual no que o PP está a crispar todos e cada un dos días do ano, a veces a algún como a min entranos a dúbida de que é o que quere o PP, se quere a paz ou lle compensan máis outras cousas para sacra rendibilidade política. Pero para Eduardo Madina, non hai lugar á dúbida defende sen titubeos que o PP busca a paz. Dinos que non lle cabe a menor dúbida, que teñen traballado moito por ela e tamén sofrido, pero o problema é que non se fían de quen a xestiona.
É esperanzador ver a unha persoa que viviu nas súas carnes a violencia de ETA (padeceu un atentado que lle costou unha perna e case a súa vida)e que aposta pola vía do diálogo fronte a sin razón dalgúns que van ó fácil: a dicir que eles non se moven da súa postura que se movan os outros. Quedeime cunha frase de Madina que é certa como a vida mesma: Nun proceso de paz o último paso pasa sempre, ineludiblemente, pola vía do diálogo. Esto está escrito en todos os manuais de resolución de conflictos, e quen non sexa capaz de ver esta realidade é que non é capaz de resolver o conflicto.
Dende este pequeno rincón, coa miña maior modestia querolle facer unha pequena homenaxe a este home tan grande (non só en altura). Edu dende aquí transmitirche todos os meus respectos e amiña admiración. Unha aperta

Chema Madoz. Un fotógrafo que pinta ideas.

Creo que sabedes que son un namorado da fotografía. teño publicado algúns libros e nalgunhas revistas. Tamén tiven a honra de expoñer tres veces. Pero a parte de disfrutar ó facer as miñas fotos, disfruto moito máis obsevando a obra dos grandes da fotografía. Hoxe quero invitarvos a que disfrutedes cunha das obras do fotógrafo máis inxenioso que temos no noso país. Chema Madoz, xulgade por vós mesmos na súa web ou en Photobolsillo.

Arto Tuncboyaciyan e Armenian Navy Band

Con esta entrada só vos quero convidar a que escoitedes algo de música. Hoxe que moita xente busca o purísmo eu reivindico esa música máis complexa.
Descubrín hai anos a Arto Tuncboyaciyan e a Armenian Navy Band, músicos armenios que intentan mistura todo aquelo que os rodea, esas músicas asiáticas e europeas coas que medraron. Outro tipo de música que seguro nunca escoitaredes nos 40 Principales

Canto peor...mellor

Este é o lema do Partido Popular dos días de hoxe: Canto peor...mellor. Canto peor vaia a política, para eles moito mellor.

Estamos a atravesar un dos mellores ciclos económicos da historia, o paro está a sofrer un gran recorte chegando a aproximarse a media europea, estase a por en marcha o cuarto piar do estado de benestar (Lei de Dependencia), estamos a ser un dos países claves nas relacións europeas, co mediterráneo e con latinoamérica, estamos a xulgar ós asasinos do 11-M, estamos a ampliar a gratuidade dos libros de texto, estamos a por en marcha máis leis que ningún outro goberno, pero nada desto se ve, nin se escoita.... Ó PP non lle interesa que se vexa nin se escoite.

Agora que a súa (e a de El Mundo) teoría conspirativa sobre o 11-M xa se caiu e se esta a levar a cabo o proceso contra os terroristas islámicos, o PP está a crispar cada día máis a vida política co tema de De Juana para que outros temas pasen inadvertidos.

Os señores do PP excarcelaron a 62 presos por redencións extraordinarias, algúns deles por facer cursos de punto de cruz. Estes mesmos señores achegaron a 42 presos ó País Vasco mentres o secuestro de Ortega Lara, pero todo esto parece que ninguén o quere ver nin escoitar, e está ahí, é certo. ¿Como se pode ir a unha manifestación para condenar a política antiterrorista do PSOE cando é a mesma que a do PP?

Parece que hai xente a quen lle interesa que a paz non se produza, porque senón non hai outra explicación.

Estes días Zaplana encárgase de recordar que as excarcelacións que eles fixeron son legais. E deixa a frase ahí, para sembrar a dúbida. Pero é que as do PSOE tamén son legais. Podemos estar ou non conformes con elas (eu fago constar que algunhas decisións costáronme bastante entendelas), pero son legais.

Poñámoslle entre todos un pouco de sentidiño a este tema, intetemos enfriar a cabeza e sosegarnos, que España está moito mellor do que o PP nos quere facer ver e somos moitísimos, millóns, os españois de ben que non queremos acudir as súas concentracións.

Eu dende aquí quero facer un chamamento a todos/as aqueles/as persoas de esquerdas a que axuden a contribuir a serenar España.

Din que non hai pelexa se un non quere, pois sexamos nós os que non queiramos pelexar, non nos deixemos levar por Aznar, Rajoy, Espe, Pío Escudero, Zaplana, Acebes...

Nova páxina web do PSdeG-PSOE de Ourense

O PSdeG-PSOE de Ourense acabar de colgar na rede a súa nova páxina web. Nesta páxina pódese ver información variada como a axenda, notas de prensa, a composición do consello provincial, grupo provincial socialista, a representación institucional, a estructura territorial, etc. Na estructura territorial poderedes ver un mapa da provincia no que vos irán aparecendo os candidados socialistas ás distintas alcaldías.

Nesta páxina tamén aparecen as direccións das sedes espalladas pola provincia, un correo de contacto, así como múltiples ligazóns de interés.

Si queres facer unha visita e botarlle un vistazo á web dos socialistas de Ourense pódelo facer dende aquí.

Os axitadores de gaseosa

Todo o mundo sabe que se se axita a botella da gaseosa antes de abrila, ó sacar o tapón bota todo para fora. Estes dous señores, Alcaraz e Jiménez Losantos son, entre outros uns dos que máis lles gusta menear o recipiente. Estamos vivindo uns momentos convulsos en España. Xente como estes dous elementos dedícanse a poñer a palla. Rajoy, Aznar, Acebes, Zaplama e Espe poñen o mechero. Logo por detrás veñen estes grupúsculos de extrema dereita que hoxe habitan dentro do Partido Popular e son os que pegan lume.

O problema de todo esto é que detrás desta radicalización da sociedade están arrastrando a xente sensata e serena que sempre militou no centro dereita. A base de enganos, mentiras e manipulacións están a levar a milleiros de persoas o terreo da radicalización. Non hai máis que ver as bandeiras e as pancartas que portan nas manifestacións. Nesas que vai Rajoy.

Hoxe podía escoitar unhas declaracións de Mariano Rajoy nas que dicía que na próxima concentración que están a preparar non lle importaba en absoluto que apareceran bandeiras preconstitucionais nin que se unisen á mesma xente de extrema dereita. Dicía que el convocaba a manifestación para que se unisen todos os cidadáns que estiveran en contra das decisións do goberno en materia de terrorismo.

Que fráxiles de memoria somos moitos, ou non nos queremos dar conta da realidade, ó esquecer un pasado tan recente no que se produciron 53 excareracións de presos de ETA e que levou a cabo o PP. Como curiosidade compre dicir, por se alguén se esquecera, que algúns dos máis radicais agora no Partido Popular foron os que asinaron tales liberacións: Mariano Rajoy e Ángel Acebes.

Hoxe por curiosidade entrei en tres webs: Falange, Falage-Auténtica y España 2000, tres grupos de extrema dereita, estiven lendo as súas novas e comunicados. E, de verdade, non difiren en absoluto das lindezas que estes días están a pronunciar os políticos do Partido Popular.

Dende logo neste país bótase de menos esa outra dereita que hai por Europa adiante, esa dereita nacida do liberalismo e loitadora en pro das liberdades. Aquí seguemos a ter unha dereita rancia e retrógrada basada nos restos dun réxime totalitario e fascista.

O Horror da guerra dos Balcáns

Hoxe podía ler un par de atigo en El País sobre a matanza de Srebrenica na guerra dos Balcáns e como trascorreu este conflicto. Mladic, o xefe militar serbobosnio daba ós cativos pan fronte ás cámaras, e cando estas deixaban de grabar quitáballo. En Sebrenica aniquilaron a 8000 homes musulmáns a sangue fría, doce anos despois o Tribunal Internacional de Xustiza da Haxa dictaminou que foi un xenocidio, pero absolve a Serbia da responsabilidade do mesmo. Esto parece unha burla, e máis despois de que este xenocidio se producira pola pasividade dos cascos azuis destacados na zona.

Os cascos azuis foron a mediar neste conflicto fraticida pero non podían intervir co cal eran tomados a pitorreo polos soldados, e civis armados de ambos bandos. Moitas veces estas forzas internacionais dispoñías de 40 ou 50 efectivos para controlar poboacións de 20000 ou 30000 habitantes.

Recoméndovos que vexades a película "En tierra de nadie" de Danis Tanovic, gañadora do Oscar a mellor película de fala non inglesa en 2002, define á perfección cal era a situación de pasividade dos cascos azuis. Os europeos fomos complices de todas estas matanzas por non intervir con máis firmaza.

Ó fío deste tema vouvos a contar unha experiencia un tanto tétrica que me ocorreu. Uns anos despois do conflicto entre Serbios, Bosnios e Croatas, produciose o conflicto de Kosovo. Por esas datas eu ía dende Barcelona ata Viena en avión e o cruzar os Alpes, o comandante da nave informounos que tiña que elevar a altura porque por debaixo de nós, e a esquerda ía pasar un escuadrón de cazas e caza-bombardeiros que saían dunda base da OTAN en Italia para ir a bombardear á guerra de Kosovo. Aqueles avións ían cheos de armas para destruír edificios e matar persoas.

O día seguinte estaba eu paseando polas rúas de Viena e fixeima que preto da catedral podíase observar que había tres ou catro edificios de máis de 200 ou 300 anos e de repente uns bloques de edificios de non máis de 60 anos, o cabo duns metros pasaba o mesmo, e así por todo o casco vello. Pregunteille a un cativo que falaba español o por que daquel feito e explicoume que donde había edificios máis ou menos novos eran os lugares onde caeran bombas nos bombardeos na II Guerra Mundial. Estivern varios días cavilando sobre aqueles cazas que vin nos Alpes e a destrucción que puderan haber causado nos Balcáns. A verdade e que durante uns días non conciliei o sono nada ben.

Dende logo na nosa especie podemos chegar a ser ben ruíns e inhumanos

O casco vello de Castro Caldelas é declarado Área de Rehabilitación de Conxunto Histórico

A Consellería de Vivenda da Xunta de Galicia acaba de declarar o casco antigo da vila de Castro Caldelas como Área de Rehabilitación de Conxunto Histórico. A área de actuación dispón de 80.000 metros cuadrados e engloba case 200 vivendas. Este é o primeiro paso para os propietarios das vivendas poidan acceder ás subvencións destinadas á rehabilitación e mellora das súas casas por un importe non superior ós 11.000 euros, ás axudas chegan ata o 80% a fondo perdido. Tamén se contemplan outras axudas de ata o 60% para obras de urbanización e reurbanización de prazas e rúas no entorno da área. Así preténdese acadar un incremento dos niveis de ocupación poblacional na área do Conxunto Histórico. Esta política de rehabilitación de vivendas antigas fronte a nova construcción de edificios é xeradora dun conservacionismo moi riguroso dos pequenos núcleos históticos. Dende logo estanse a ver en Castro Caldelas os novos aires da Goberno galego. Que estes aires non deixen de soprar.

Candidatura do PSdeG-PSOE de Castro Caldelas

En días pasados reunímonos a Asamblea do PSdeG-PSOE de Castro Caldelas e eleximos a candidatura ás eleccións municipais de 2007. Hai unhas semanas xa eleximos ó cabeza de lista, Eladio Osorio Castro. En ambos procesos a unanimidade foi a tónica dominante.

Os elexidos para afrontar este novo reto fomos:

1.- Eladio Osorio Castro

2.- Alberto Labrador González

3.- Sara Inés Vega Núñez

4.- Eladio Osorio Montenegro

5.- Manuel Pérez Villar

6.- Rosa Domínguez Rodríguez

7.- José Luis Díaz Gómez

8.- Manuel López Pérez

9.- Eva Méndez Domínguez

S1.- José Ramón Nóvoa Fernández

S2.- Antonio Pérez Blanco

S3.- Cristobal Campos González

O Partido Popular e a autovía A-76

Nota de prensa difundida no día de onte ós medios de comunicación.

O PSdeG-PSOE da Comarca de Trives-Caldelas quere manifestar ó respecto da crise xurdida sobre a Plataforma Pro Autovía A-76 Corredor 3 ó seguinte:

Estamos totalmente convencidos, e xa o estabamos hai meses, que os alcaldes do Partido Popular da comarca están a empregar a Plataforma como unha arma electoral. Baltar, presidente do PP, ve perigar a súa hexemonía nas comarcas de Trives e Caldelas debido as excelentes candidaturas que está a presentar o PSdeG-PSOE e dá orde os seus alcaldes de que empreguen e manipulen a Plataforma mentres lles sexa beneficiosa. Ata o de agora utilizaron o seu presidente para dinamitar ó PSOE, pero dende o momento en que se fixo público que Francisco José Fernández optaba á alcaldía de Trives como independente, resulta que todo o que ata o de agora era bo convértese en malo.

Os alcaldes do PP censuran que Francisco José Fernández sexa candidato á alcaldía de Trives e critícano por haber utilizado a plataforma como trampolín de salto cara a política. Cunha dobre moral e dúas varas de medir se trata á xente neste colectivo, xa que nunca se criticou por parte dos do PP que a plataforma estivera controlada por unha concelleira do Partido Popular de Montederramo como presidenta dunha asociación, ou que na directiva estivese o tenente-alcalde de Chandrexa de Queixa representando a un sindicato, ou que un dos membros máis destacados fora o tesoureiro do Partido Popular en Trives.

É totalmente lexítimo que as asociacións se agrupen para defender os intereses da comarca, pero todos estes feitos veñen a avalar a nosa teoría de que o PP se subiu ó carro e foi o partido que adoptou posturas máis radicais e de total enfrontamento cara ó goberno para desgastar ó PSOE e sacar rédito político.

Posiblemente o presidente da plataforma tería que habela deixado antes, para que non se visionase que empregaba esta como un altavoz da súa candidatura. Pero e se os alcaldes do PP esixían esto, ¿como é que eles seguen sendo maioría na plataforma e son eles os que poñen e quitan presidentes?.

A xogada de onte votando todos os alcaldes do PP da comarca en bloque para forzar a dimisión do presidente confirma que o Partido Popular ten unha estratexia marcada na que só lle vale dinamitar ó PSdeG-PSOE e favorecer os seus intereses.

Están nerviosos porque saben que a día de hoxe teñen unha grave crise interna en Trives e a súa alcaldía dana por perdida. Os Socialistas estamos facendo un gran esforzo por renovar e ampliar as nosas candidaturas nos concellos da comarca, e os alcaldes do PP e Baltar ven perigar o seu deputado provincial. Esto é o que verdadeiramente lle importa a eles, e nada máis que eso.

Os matrimonios homosexuais e a moral do PP

Nestes días ven de debatirse no Congreso dos Deputados unha Iniciativa Lexislativa Popular (ILP) promovida por HazteOir.org e o Foro de la familia para derogar os matrimonios entre persoas do mesmo sexo e que só os matrimonios heterosexuais poidan adoptar cativos/as. Foi rechazada xa que votaron a favor PSOE, PNV, ERC, CC, IU, Grupo Mixto, dous diputados de CiU e unha drputada do PP, Celia Villalobos, o que provocou que o seu partido a multara. En contra posicionuse o PP e Unió Democrática de Catalunya, mentres varios deputados de CiU se abstiveron.

Podédesme crer, de verdade, que neste tema, como nalgúns outros, intento reflexionar e profundizar en todos os seus aspectos e facer un exercicio de empatía cara os que defenden cun fervor un tanto exacerbado que o matrimonio só debe ser entre dúas persoas de distinto sexo. Pero non logro entender o porque desta postura tan radical e tan pouco solidaria.

E o que menos entendo é esta postura tan radical e empapada de clericalismo rancio do Partido Popular. Tampouco entendo como algunha xente que comulga con este partido e que é homosexual non é capaz de alzar a súa voz contra tanta intolerancia. Respeto moito, no persoal, a Pepe Araujo, concelleiro do PP en Ourense, homosexual confeso, e unha das primeiras persoas en España que contraiu matrimonio coa nova Lei, pero non sei como é capaz de convivir co carnet do seu partido todos os días no seu bolsillo. (Aínda así quero enviarlle dende aquí a miña máis sincera noraboa polo seu matrimonio).

Hai xente que me di que eso debe ser así porque así o di Deus. Eu profeso o agnosticismo e polo tanto esta postura parece falta de toda razón, é unha postura apoiada na "sin razón", digamos que é unha posición fácil: O Cura na misa dí eso e polo tanto eu creo nela.

Outras personas defenden que non poden contraer matrimonio porque o diccionario di que o matrimonio é a unión do home e da muller concertada mediante determinados ritos ou formalidades legais e no catolicismo, é o sacramento polo cal o home e a se ligan perpetuamente con arranxo ás prescripcións da Igrexa. Pero, imos a ver, o diccionario está para cambialo. No diccionario cambiase o significado das palabras segundo o uso que lle deamos a poboación as mesmas. Entón, ¿non sería solidario e de igualdade que lle brindásemos o oportunidade de usar unha mesma palabra os homosexuais?. Porque non é máis ca eso unha palabra.

Outra xente dí que o do matrimonio vale, pero o da adopción de ningunha maneira, que eso é moi perxudicial e contraproducente para os/as cativos/as. Pero, ¿non é máis contraproducente ver a un pai e una nai que non se queren, que berra, ou pelexan?. Por cada informe que sae a luz pública defendendo que non é bó este tipo de adopcións, outro defende o contarrio.

Hai algúns que din que este tema non pode estar ben, xa que noutro países esto non se fai. É certo somos o terceiro país do mundo en que os matrimonios enter persoas do mesmo sexo está permitido. Para unha vez que imos en algo por diante, hai xente que reprocha este progresimo.

De verdade penso neste tema case todos os días e non atopo nin unha sóa razón para non defender que dúas persoas que se aman, queren e desexan poidan convivir sin ser encarcelados, perseguidos, insultados, mirados de reollo ou criticados polos demais.

Deixemos que cada quen elixa o seu destino, e non nós convirtamos nuns dictadores e donos do benestar dos demais.

P.D.: Por certo, acepto moi gustosamente razóns de peso en contra de todo o aquí exposto, para ver si tan confundido estou neste tema.

Un asasino quérese converter en mártir.

Juan Ignacio de Juana Chaos, un asasino de ETA, un verdugo que foi quen de decidir sobre a vida dos demais, está en folga de fame.

Esta folga de fame é unha medida de presión para que sexa liberado da súa condea e así poder demostrar ó mundo abertzale que así pódese doblegar ó Estado.

Hai días os seus avogados grabaron un vídeo e realizaron unhas fotos (esta é unha delas) para demostrarlle ó mundo o ruín que é o Estado Español e como trata os presos de ETA.

Compre dicir que ata o de agora De Juana era alimentado por orde xudicial mediante unha sonda, pero hai uns días el mesmo arrincouna, para presionar máis todavía. E por eso polo que debe ser atado para poder cumprir a orde xudicial.

De Juana, baixo ningún concepto, debe ser liberado por motivos humanitarios, como se fai con otros presos. Esta situación foi provocada por el mesmo deliberadamente. Existen outros casos de liberacións pero de presos terminais ou moi graves de enfermedades non provocadas por eles mesmos.

O terrorista de ETA debe ser mantido, obligatoriamante, e empregando os métodos precisos con suero. Este desalmado o único que pretende é provocar a súa morte e converterse nun martir da esquerda nacionalista vasca. Por nada do mundo o Estado pode permitir que eso aconteza. De Juana debe cumprir a súa condea e logo ser liberado, pero este asasino non é quen de converterse nun mártir. Un asasino vil e cruel é sinxelamente eso un asasino.

"O Conseguidor"

Esta fin de semana podiamos ler nunha reportaxe do diario El Pais "unhas curiosidades" sobre o xenro de Aznar, Alejandro Agag.

http://www.elpais.com/articulo/reportajes/conseguidor/elpepusocdmg/20070225elpdmgrep_1/Tes

Segundo o artigo: "Encantador, listo e un pouco frívolo. Educado polo Opus. Mestre do halago. Adicto a súa boa estrela. Pagado de sí mesmo. Subestimar a Alejandro Agag é un erro. Non é tonto. Detrás do seu sorriso escóndese un frío calculador envolto en boas maneiras. Ambicioso. Entusiasta dun modelo de sociedade á italiana na que se misturan política, negocios e medios de comunicación. Agag non quere ser Aznar; Agag quere ser Murdoch ou Berlusconi: ter cartos, poseer televisións e manexar a primeiros ministros. Para Agag é moitomáis influir que mandar."

"Agag nunca volverá á política, prefire gañar cartos. E facer que os gañe o seu sogro como conselleiro de News Corporation, o holding de Robert Murdoch, e como columnista dun dos seus xornais, The Wall Street Journal. No PP corren os chascarriños sobre a parella. "¿Quen é agora o axudante?". Pregúntase un histórico. Outro afirma: "En vez de chamar a Agag xenrísimo, teremos que comezar a chamar a Aznar sogrísimo".

Pois sí señor menudo personaxe "o yernísimo", non deixedes de ler a reportaxe porque ides descobrir moitas lindezas do cabeza do clan de Becerril

Madredeus - Oxalá (Hoping)

Nunca esquecerei as dúas veces que puiden ver e escoitar en directo a Madredeus. Son un fiel seguidor do grupo dende os seus comezos e non deixa de sorprenderme máis e máis cada día. Son un grupo que infunde unha grande tranquilidade e paz interior..Madredeus beben do fado, ou da música e poesía popular portuguesa dos últimos tempos (claveis e movimento, José Afonso e Pessoa...) Téñenos definido como minimalistas, clásicos e modernos... pero creo que escoitando a música de Madredeus o tema case é trivial... o que me volve tolo é a voz de Teresa, escoita como susurra...Madredeus naceron nunha igrexa lisboeta e tomaron o seu nome dela, son Pedro Ayres Maglhâes, Teresa Salgueiro, Francisco Ribeiro, José Peixoto, Carlos Trindade, Gabriel Gomes e, paralelamente, Rodrigo Leâo; pero tamén son a cidade. Disfruta da súa música neste vídeo, pero se os queres desfrutar de verdade telos que escoitar pola Alfama, pola Baixa ou calquera outro barrio lisboeta.

Arranxo da estrada Castro Caldelas - Monforte de Lemos

Durante a campaña das Eleccións Autonómicas de 2005 o PSdeG-PSOE adquiriu un compromiso cos veciños e veciñas de Castro Caldelas, o arranxo da estrada dende a vila ata Monforte de Lemos. O cabeza de lista Manuel "Pachi" Vázquez e máis eu fixemos nosa a reivindicación que viñan reclamando os membros da Asociación de Empresarios da Terra de Caldelas. Hai uns meses saiu a obra a concurso, e xa foi adxudicada. Segundo a información que teño, as obras comezaran antes do fin do mes de marzo. A mellora desta estrada era unha vella reivindicación dos habitantes dos concellos de Monforte de Lemos, Sober, A Teixeira e Castro Caldelas. Esta vía de comunicación sérvenos os caldelaos para acceder a N-120, pero tamén é aque empregan os centos de visitantes que se achegan a coñecer a Ribeira Sacra e a viaxar nos catamaráns polo Canón do Sil. A verdade é que nós asumimos este reto posto que creíamos que era de vital importancia para o desenvolvemento da bisbarra o seu arranxo, elogo de asistir atónitos ó paso de dezaséis anos de goberno de Fraga e observar como esta vía de comunicación seguía sumida no seu máis total abandono. Hoxe creo que é un día de ledicia e satisfacción para todos os caldelaos, posto que pronto poderemos ver o inicio destas obras.