viernes, 29 de junio de 2007

Comparativa mapa provincial logo das eleccións locais de 2007

Mapa provincial 2003.
Mapa provincial de 2007.
No primeiro dos mapas podedes apreciar como estaba o reparto político da provincia despois das eleccións locais de 2003. Once alcaldías para o PSdeG-PSOE, tres para o BNG e cinco para partidos independentes. O resto, é dicir, setenta e tres concellos estaban gobernados polo PP.
Logo das eleccións municipais do 27 de maio de 2007 o mapa dá un cambio brusco, o PSdeG-PSOE multiplica por máis de dous os concellos gobernados e pasa a vintecatro, o BNG pasa de tres a sete. TG irrumpe no panorama político provincial e faise con unha alcaldía, e os grupos independentes gobernaran en catro concellos.
Tres dos gobernos independentes estarán apoiados polo PSdeG-PSOE, o igual que o mesmo número de alcaldes nacionalistas.
O PSdeG-PSOE pasará a ter a alcaldía ou gobernar a tantos veciños e veciñas da provincia como o PP, ó redor dun 46%, algo que se soñaba inalcanzable ata hai poucos anos. Os gobernos progresistas son maioría sobre os gobernos do PP na provincia de Ourense.
Comeza o fin da "Era Baltar".

O "top ten" da censura publicitaria



Preséntovos aquí o blog Espoiler de Hernán Casciari sobre o top ten dos anuncios publiciatarios sometidos a censura ou crítica por algún colectivo. A verdade é que non ten desperdicio.
Casciari acadou a fama xunto con Bernardo Erlich polo seu famoso weblog mujergorda, que logo foi publicado en formato libro por Plaza&Janés. Mujergorda é unha blogonovela de máis de 200 capítulos que se publica en Internet dende setembro de 2003. Conta a historia dunha familia arxentina, Os Bertotti, en clave de humor. A narradora é Mirta, unha ama de casa nacida en Mercedes (Bos Aires) que debe lidiar co seu marido, o seu sogro drogadicto e tres fillos adolescentes. O weblog, escrito por Hernán Casciari e ilustrado por Bernardo Erlich, “Más respeto, que soy tu madre” foi elexido pola Deutsche Welle International como mellor weblog do Mundo.

Cada cousa no seu sitio




Cada cousa no seu sitio, nos vós parece?

Asociación PuntoGal

Quero convidarvos a que entredes na web de PuntoGal. De seguido fágovos unha pequena reseña da súa páxina para que vexades quenes son e que é o que promoven. Animadevos a entrar e asinar na súa web.
PuntoGal é unha iniciativa que pretende conseguir para a lingua e a cultura galega un dominio propio en internet. Este obxectivo, longamente desexado, precisa da suma do maior número posible de vontades nun proceso que será longo e tecnicamente complexo.
As doce entidades promotoras do PuntoGal convocaron a Asemblea Constituínte o dez de xuño de 2006, en Santiago de Compostela. A Directiva que saiu da reunión é quen avalará a candidatura galega diante da Internet Corporation for Assigned Names and Numbers, organismo internacional que se encarga de autorizar e recoñer os dominos.
Pola propia complexidade do proceso, resulta fundamental traballar dando pasos firmes, actuando con axilidade e contando cun amplo respaldo social. O ICANN valora as propostas en función da xustificación da necesidade de ter o dominio e dos apoios que ten a propia candidatura dentro do seu territorio: por iso é imprescindible facer unha candidatura sólida con presenza de importantes organismos e asociacións galegas do ámbito cultural, lingüístico e da comunicación.
A asociación asume igualmente o compromiso de realizar accións de concienciación entre a cidadanía sobre a necesidade de que Galicia dispoña dun dominio propio.
A promotora do PuntoGal estivo conformada por representantes da Asociación de Editores de Galicia, a Asociación de Enxeñeiros de Telecomunicacións de Galicia, a Asociación Fillos de Galicia (fillos.org), o Colexio Profesional de Xornalistas de Galicia, o Consello da Xuventude de Galicia, as Empresas Galegas Adicadas a Internet (Eganet), Galicia Hoxe, Idesga-Galego 21, ISOC-Galicia, a Mesa pola Normalización Lingüística, a Real Academia Galega (RAG) e Vieiros. Dende entón xa hai novas entidades adheridas.

Un ano máis, en Castro Caldelas.....Festival Ponte Louco

Un ano máis, no mes de Agosto celebrarase en Castro Caldelas o Festival Ponte Louco organizado pola Asociación Cultural Xuvenil O Irrio.
Para os/as que xa coñecedes o Festival, ¿que vos vou a contar?. Para aqueles/as que nunca vos achegástedes ata aquí dicirvos que non hai festa coma ela. Concertos, xogos, malabares, feira de artesanía, etc... e todo de balde. O lugar escollido para os concertos é o patio de armas do Castelo de Castro Caldelas, un lugar inmellorable. As bandas convidadas para esta edición son: Fabulosos Cubatas, Os Tres Trebóns, A Banda Potenkin e 3 ex-Jarbanzos Negros.
Todo un luxo. Pódovos asegurar que si vos animades a achegarvos ata Castro Caldelas o día 18 de agosto nos vos ides aburrir.
Se queredes máis información entrade no blog do festival, no foro ou na súa web.
Vemonos alá o 18 de agosto