Primo non hai máis que un

Primo non hai máis que un

Díxome o meu primo

Esto é o que me dixo o meu primo.

Galicia vista polo dereito, en Castro Caldelas

Na próxima semana, do luns 29 ó mércores 31 celebraránse en Castro Caldelas as xornadas Galicia Vista polo Dereito.

Posiblemente as mellores xornadas celebradas nunca en Castro Caldelas.

Entre outros ven Conde-Pumpido.

Aquí vos deixou o programa

Sarko chámalle tonto a Rajoy

Sarkozy, o presidente de Francia, chamoulle hoxe tonto a Rajoy por obviar os danos que producimos os humáns no planeta.

En tono xocoso dixo que sin citar nomes e sin referirse a ninguén en concreto só lle merecía o calificativo de tonto aquel que non fose capaz de ver que hai unha serie de datos reais que avalan as teses de Al Gore.

Rajoy e o seu primo, non son só o centro das risotadas de España, senón que se rin delesen todo o Mundo.

Este é o líder cósmico da dereita española. Como diría Sarkozy "C'est la vie"

"A esquerda ó longo da historia ten demasiadas cousas das que avergoñarse" José Mari dixit

José Mari I "de las Españas" volvenos a sorprender a todos/as. Acaba de publicar un novo libro que se titula "Cartas a un joven español". Que rancio sona, non?

No libro simula contestar unhas cartas que lle escribe Santiago, o mozo español. A min esto levame a lembrar os libros que empregaban de texto que empregaban os nosos pais e nais nas escolas baixo o réxime de Franco.

Sabedes que é moi raro que escriba neste blog en castelán, pero hoxe vouvos a transcribir literalmente, na lingua de Cervantes, algunhas pasaxes do libro de Jose Mari I "de las Españas".

Xulgado vós mesmos/as:

Sobre la "izquierda real": "El comportamiento de la izquierda a lo largo de la historia tiene demasiadas cosas de las que avergonzarse".
Sobre ser "facha": "Me dices que califican tu postura de 'facha'. Pero tú tranquilo. No sé qué haría cierta izquierda si no tuviese a mano la palabra 'facha' para utilizarla cada vez que no sabe muy bien qué decir".

Sobre su llegada al Gobierno: "La tasa de paro era del 24%. Entre los jóvenes, esa misma tasa de paro llegaba nada menos que el 50%. La de las mujeres era del 35%. Todo muy 'social'. Más bien, muy socialista".

Sobre el nacionalismo: "El nacionalismo simplifica y reduce la acción a una dimensión única, la defensa de la nación (...) El nacionalismo ha sido uno de los peores enemigos del pluralismo (...) es alérgico, cuando no contrario, al pluralismo (...) una trampa en la que no hay que caer".

Sobre la negociación: "Hay que ser optimistas, como lo fuimos en 1996 con el terrorismo de la banda ETA. Nadie pensaba entonces que fuera posible romper el espinazo de la banda mafiosa y terrorista y, en 2004, estaba ya prácticamente muerta (...) Por suerte, hasta 2004 las cosas se hicieron bien y espero que el apaciguamiento no nos haya hecho retroceder demasiado".

Sobre la educación: "Lo que se ha puesto en marcha es algo que no tiene nada que ver con la transmisión del saber, y sí con una voluntad (...) de adoctrinamiento nueva en los países democráticos (...) La escuela tiene que infundir en los alumnos el respeto a los valores cívicos (...) pero eso no quiere decir inculcarles una ideología".

Sobre la familia: "No me parece correcto que se le dé el carácter de matrimonio a una unión que no sea entre un hombre y una mujer. Es algo respetable, pero no forma un matrimonio. Ni equivalente, ni alternativo (..) No sé, y creo que nadie lo sabe, qué pasará cuando un niño o una niña no puedan llamar padre ni madre a quienes se dicen sus progenitores pero que en muchos casos no lo van a ser. No sé si se están anteponiendo los sueños de los adultos a los derechos, esta vez muy reales, de los niños".

Por certo, esto non é unha coña, aínda que volo poda parecer. É real, ó igual que as tonterías de Rajoy sobre o cambio climático.

Que xentiña...

Segue a xira

A nosa particular xira segue sen parar por todas as comarcas de Ourense. Hoxe tocounos O Ribeiro. Fixemos un acto de partido para analizar a situación comarcal e as vindeiras eleccións xerais entre outras moitas cousas.

A actividade desenvolveuse no Pazo Abadía Caldaria de Arnoia. Como recibimento o alcalde encheu o camiño dende o pobo ata a abadía de carteis en contra do parque ambiental. Rogelio Martínez tennos acostumados a este tipo de manifestacións moi propias do sur de Italia. É o Martínez "El facha" particular desta provincia.

Por certo, o domingo vólvense a celebrar eleccións municipais na Arnoia logo de que a Xustiza o ordenase debido as irregularidades levadas a cabo por este elemento do PP sobre o voto emigrante.

Sabemos que está moi difícil mellorar os resultados, pero eu aposto a que aínda gañamos un concelleiro máis. O domingo saberémolo. Ánimo Jorge.

E ti tés algún primo que saiba de cambio climático?

Esto que estás vendo na foto non existe. É pura ficción, froito dunha montaxe a nivel mundial orquestada polas ordas roxas e os masóns para que non consumamos máis derivados do petróleo. Esto debe ser o que pensa o profesror Rajoy, licenciado e master cun laude en ciencias, ecoloxía e especialista en cambio climático.

O líder da dereita española atreveuse onte a cuestionar o cambio climático en tono coñero e citando como autoridade no tema a un primo seu, que seica estudou física. Dixo que "ningún científico me ten garantido o tempo que ía ir mañá en Sevilla. Como alguén pode dicir o que vai a pasar no mundo dentro de 300 anos?

Eu non sei se é que o mundo está do revés ou que é o que aquí acontece. Como alguén lle pode votar a un partido cuio líder se ríe do que pode ser o problema máis serio do noso planeta en moitos miles de anos?.

Mentres el se ría deste tema, onte un grupo de 4000 científicos insistía na alerta sobre a situación climática mundial.

Pois nada amigos/as, a seguir soportando as tonterías do caudillo dos conservadores.

Seguimos co Tour 2007-2008

Nós seguimos co tour 2007-2008. Todos os días por ahí adiante facendo actos do PSOE.

Hoxe tocounos a comarca máis lonxana de Ourense, Valdeorras. As 19:00 h. tivemos unha reunión comarcal para analizar como se atopa o Partido en Valdeorras e ver como imos afrontar as vindeiras eleccións xerais. Logo as 20:30 fixemos un acto sobre os dous anos de goberno na Xunta.

A verdade é que vir ó Barco de Valdeorras é moi alentador, é a comarca onde mellor se atopa o PSdeG de toda a provincia, por primeira vez na historia o noso partido foi a forza máis votada. Esto hai que llo agradecer a todas as personas de Valdeorras, pero especialmente ós/ás nosos/as compañeiros/as do PSOE valdeorrés e en especial a Alfredo García, o secretario comarcal.

Na foto entre outros están Toño (ex-Alcalde de Rubiá), Carmen (Delegada de Traballo), Paco (Alcalde de Ourense), Alberto (Deputado no Congreso), Gonzalo (Delegado de Educación), Alfredo (Alcalde do Barco de Valdeorras), Pachi (Sº Provincial do PSdeG-PSOE e Conselleiro de Medio Ambiente), Macu (Deputada Autonómica, Conchita (Delegada de Presidencia), concelleiros/as do Barco de Valdeorras, Fumega (Delegado de Medio Ambiente), Raúl (Delegado de Obras Públicas), Miguel (Alcalde de Petín), Santos (portavoz en Vilamartín de Valdeorras), Luis (portavoz e próximo alcalde de A Rúa)...

Ledicia e tristura na política internacional

Hoxe na política internacional unha de cal e outra de area.

Onte celebraronse en Suiza eleccións xerais e gañou o Partido Popular de Suiza, un partido de dereitas e corte populista. O UDC-SVP levou a cabo unha campaña racista e xenófoba. O seu cartel electoral díceo todo, cun eslogan que reza "creando seguridade", unha ovella branca expulsa dunha patada no cu a unha ovella negra fora do tapiz que forma a bandeira suiza. Como diría un amigo meu "para que falar..."

Por outra banda, onte tamén se celebraron eleccións parlamentarias en Polonia. Non gañou a esquerda, que foi a terceira forza, pero gañou un partido de dereitas (liberal) normal.E digo normal porque o Partido de Lei e Xustiza dos irmáns xemelgos Kaczyski que levan gobernando Polonia dende hai uns anos é de todo menos normal. Un partido que rompe a cada pouco a estabilidade en Europa, ultracatólico, antieuropeísta e perseguidor dos ex-comunistas. Por certo, para Aznar son os seus ídolos en Europa.

Pois nada, que o sinto polos suizos que sempre foron un exemplo de convivencia entre distintas nacionalidades e etnias e que a partir de agora seguro que entran nun grave retroceso en canto a convivencia, e noraboa ós polacos por darlle un pouco máis de seriedade a política do su país.

Unha aperta, compañeiro

Estes días atrás Pasqual Maragall sorprendianos a moitos anunciando a súa baixa de militancia no PSC, e por conseguinte no PSOE.

Hai tempo que o ex-President Maragall discrepa co posicionamento do noso partido sobre diversos temas, sobretodo coa nosa relación co nacionalismo e os/as nacionalistas.

Teño que dicir que nestes temas non coincido moito coa postura expresada polo compañeiro Pasqual Maragall, pero tan respetable é a súa opinión como a miña.

Para min é unha mágoa perder no PSOE a unha persoa que tanto ten aportado ó socialismo en España, pero é a súa decisión e polo tanto respectoa.

Aínda me sorprendeu máis a súa rolda de prensa que deu ó día seguinte e na que anunciou que lle diagnosticaran que padecía alzheimer. Sorprendeume, non porque llo diagnosticaran a el, senón pola entereza con que o fixo público e a dignidade con que se ve que afronta unha enfermidade tan temida.

Quero, compañeiro Maragall, enviarche unha aperta dobre. Primeiro porque che vaia ben na túa andaina fóra do PSC, e logo porque sexas capaz de vencer a ese monstruo que é o Alzheimer.

Unha aperta.

A educación non é toda igual

A educación non é toda igual, ti escolles.

Zupermán

Zimplemente....Zupermán

A Ministra Elena Espinosa encabezará a candidatura do PSOE ó Congreso por Ourense

A ministra de Agricultura, Elena Espinosa, encabezará a candidatura socialista ó Congreso por Ourense, segundo se pode oír en todos os mentideiros políticos. Hoxe de feito xa recollen esta nova case todos os medios de comunicación. A proposta que se ven comentando dende hai semanas ten o apoio do partido en Ourense.

O propio secretario xeral do PSdeG-PSOE, Emilio Pérez Touriño, anunciou onter que proporá que un ministro/a encabece unha das listas socialistas galegas ás próximas eleccións ó congreso. A súa designación, que aínda ten que someterse á aprobación dos órganos do partido, conta xa co respaldo do PSOE na provincia.

Está previsto tamén que o secretario de Organización del PSOE, José Blanco, abra a lista de Lugo e Antón Louro en Pontevedra. O ministro de Cultura, César Antonio Molina, posiblemente encabece a candidatura por A Coruña.

Dende aquí quero manifestar todo o meu apoio a esta proposta de que encabece a nosa candidatura Elena Espinosa, unha ourensana que leva feito unha gran labor polo mundo rural de España e que sempre ten presente a nosa provincia nas súas políticas

Carod-Rovira, menuda cagada

Onte poidemos asistir pola televisión á terceira entrega de "Tengo una pregunta para usted...". Asistiron o cordenador de IU Gaspar LLamazares, o portavoz de CiU no Congreso, Duran i LLeida e o presidente de ERC, Josep LLuís Carod-Rovira.

Ó igual que nos outros dous programas, ós que asistiran Zapatero e Rajoy, o ton de todos foi de carácter suave e conciliador, sen ningunha estridencia. Foron amables e intentaron contestar o mellor posible ós/ás cidadáns e saír airosos das encerronas nas que as veces eran metidos.

Pero nesto chegou Carod-Rovira.... Sometéreno a varias preguntas que o podían poñer en apuros, o ton de varios cidadáns era para retar e botar contra as cordas ó líder independentista catalán, pero Carod-Rovira en vez de intentar ser amable e contestar ás preguntas amablemente enfronouse persoalmente a todos/as e cada un ha das persoas que o poñían en apretos.

Un político que se precie, que queira gañar votos e que non queira empeorar a súa imxe, a do seu partido e a do seu ideario nunca debería facer o que fixo J.L. Carod-Rovira.

Está claro que calquera persoa española que poidera ter algo de reparo cara ó catalanismo esta noite aumentouno pola obra e gracia desta personaxe provocadora, e tamén está claro que calquera persoa que vote a ERC, pero que estea nunha esfera moderada costaralle volver a votar ó líder dun partido que só fomenta a confrontación cos habitantes do que el chama "o país veciño".

Comparto co Sr. Carod-Rovira algúns dos seus plantexamentos e entendo que estea irascible polos ataques ós que é sometido polo nacionalismo español pero eso non xustifica que un político perdaós papeis e abronque dese xeito a todas quelas persoas que non pensan coma ela.

Sr. Josep Lluís Carod-Rovira, menuda cagada...

¿Por qué vou a ter que condenar eu o franquismo? Mayor Oreja dixit

Este domingo La Voz de Galicia publicaba unha entrevista dunha páxina a Mayor Oreja, ex-ministro de interior e vicepresidente do Grupo Popular no Parlamento Europeo. Nesta noticia hai dous titulares que son demoledores. O primeiro deles í que "Zapatero fixo unha unión temporal de empresas con ETA". E o outro pregúntase que "¿Por que vou a ter que condenar eu o franquismo?".

Dende logo cada día que pasa eu sorpréndome máis con esta dereita española, centrista, democrática e de talante dialogante. Pero, imos a ver, está claro que día tras día e comentario tras comentario, estamos asistindo á aniquilación da centro-dereita española por un grupo de nostálxicos e fastizoides que controlan o PP.

Haberá quen diga, ¿e a ti que che importa se non eres do PP?, pero sí me importa esta a suceder o pior que pode pasar nunha democracia, que un grupo maioritario coma o PP se deixe arrastrar ó terreo da extrema dereita máis rancia.

Polo ben de todos/as, señores do PP poñan algo de cabeciña no que fan e no que din que parece que nos queren devolver ás épocas en que D. Manuel era ministro.

Mariano I, El Sucesor

Hoxe Mariano I, El Sucesor sorprendeunos a todos/as cun vídeo no que fai un chamamento ó patriotismo, a que o día 12 todos/as nos envolvamos na nobre insignia española que nos representa alén dos mares.

Mariano I o que fóra nombrado sucesor por obra e gracia de José Mari, el Grande está entrando nunha grave crise de identidade. Ou é que se cre o monarca de España, Mariano I, ou ben se nos acaba de pasar ó bando republicano e pretende facer de Xefe de Estado, Mariano I, el Republicano.

Pero este señor, non se deu conta de que o único que é, é o eterno sucesor, o xefe da oposición. Preséntanos un vídeo no que fai un chamamento ó patriotismo. Parece que o PP segue a querer levantar esa pantasma de que os radicais, os nacionalistas, os comunistas, os socialistas, e outras malas alimañas pretenden romper España e aquí esta o PP e Mariano I, el Sucesor para salvarnos a todos/as.

O vídeo non ten desperdicio, podédelo ver aquí. Fixádevos nos ollos de cenenos que pon, da medo mirarlle ós ollos. De todos os xeitos aquí vos deixo o texto da locución para que xulguedes.

Pasado mañana, doce de octubre, los españoles celebramos nuestra fiesta nacional. Mi deseo es que este año, por razones que todo el mundo conoce, los españoles celebremos de manera especial esta fiesta.Porque somos una nación y queremos celebrarlo y dejar constancia de que nos alegramos.Por eso vamos a honrar y a exhibir el símbolo que, con la Corona, mejor nos representa en todo el mundo:- La bandera que aprobamos en 1978.- La que exhiben nuestros deportistas con orgullo.- La que cubre el féretro de nuestros soldados.- La que saludan con respeto todos los jefes de Estado que nos visitan.- El símbolo de España.- El símbolo de la nación libre y democrática que formamos más de cuarenta millones de españoles.- La bandera de todos, porque en ella estamos todos representados.Yo estoy orgulloso de ser español. Sé que los españoles también lo están. Por eso, pido a todos que, por encima de cualquier diferencia ideológica, el doce de octubre lo manifiesten con franqueza. Y que hagan algún gesto que muestre lo que guardan en su corazón.En casa o en la calle, de forma individual o con la familia y amigos.Para que todo el mundo sepa lo que los españoles sentimos por España.Y que sabemos proclamarlo sin aspavientos pero con orgullo y con la cabeza bien alta. Y yo me adelanto ya y digo a todos los españoles: ¡Feliz día de la nación española! ¡Feliz fiesta nacional!

Eu para rendirlle honores á enseña nacional o próximo día 12 vouno a celebrar na casa, para elo eu, a miña moza e máis as dúas nosas gatas imos a facer un gran desfile conmemorativo da Festa Nacional. Xa merquei unhas ducias de metros de bandeira nacional, ímonos envolver todos nela e coas gatas faremos un desfile que partirá do salón para continuar polo pasillo ata rematar na nosa habitación, facendo parada fronte ó baño onde colocaremos unha peana co retrato da familia real ó completo.

¡¡ Arriba España!!

Voltan os malnacidos

Onte eran pouco máis das dúas cando nunha reunión que mantiñamos no Pazo de San Damián (Amoeiro) con todos os alcaldes socialistas de Ourense nos sorprendeu unha nova desalentadora: ETA atentaba contra un escolta dun compañeiro socialista do País Vasco.

Gabriel Ginés, escolta privado de profesión, militante do PP e veciño de Zaragoza fora o obxectivo da banda asasina de ETA. Foi case unha casualidade que dera salvado a vida, xa que o artefacto que os terroristas colocaron no seu coche era unha bomba-lapa incendiaria adosada nos baixos ó carón do depósito de combustible.

Eu sempre fun un firme defensor de que para lograr acadar a paz en Euskadi só habís un camiño: o diálogo. A verdade é que a pesar de todo este recrudecemento dos actos terroristas sigo pensando que é imposible chegar ó final do conflicto se ámbalas dúas partes non chegar a un acordo, no que todos/as teremos que ceder. Pero tamén é certo que cada vez creo que é máis difícil chegar a un acordo con aqueles que son incapaces de moverse das súas posicións radicais. Eu aplaudo a Felipe, a Aznar, a Zapatero e a todos aqueles que intentaron poñerlle fin a esta lacra mediante o diálogo (aínda que algúns intenten distorsionar a realidade), pero creo que de momento tocanos volver a pasar unha época de falta de diálogo e de confrontación. Oxalá os asasinos se dean pronto conta de que levan moitos anos matando sen conseguir nada, pero cando o burro tira para atrás nin pegandolle paos vai para diante. Dende aquí só me queda pedir a PAZ.

Corenta anos da morte do "Che".

Hoxe celébrase a homenaxe central ó mítico guerrilleiro Ernesto "Che" Guevara polo cuadraxésimo aniversario do seu pasamento nas selvas de Bolivia. O acto nacional, segundo un anuncio publicado onte na portada polo diario oficial "Juventud Rebelde", será presidido por un dirixente da Revolución Cubana e comezará ás oito da mañá hora local (13:00 GMT) na Praza da Revolución Ernesto "Che" Guevara de Santa Clara (provincia de Villa Clara), a uns 300 kilómetros da Habana. Tamén podedes atopar información no diario cubano Granma.

Onte no especial Domingo do diario El País publicaba Mauricio Vicent un gran e bo reportaxe titulado El Che Íntimo 1 e 2 que é de moito interés.

Dende aquí a miña homenaxe a unha persoa que con todos os seus acertos, e todos os seus erros, loitou por aquelo polo que creía, polo socialismo e pola liberdade... logo o futuro e Fidel convertiron Cuba no que é hoxe, posiblemente, él non estaría moi dacordo con que ese tipo de sistema político pervivise ata hoxe

Público, un novo diario

Onte naceu un novo diario de índole nacional, chámase Público. Non sei se estaredes ó tanto pero xa parece que hai algo de polémica enter dito diario, o País e o goberno.

Público nace como xornal progresista, e polo tanto claro competidor do País. Eu creo que esto é bó para os lectores que nos consideramos de esquerda, xa que así poderemos ver distintos puntos de vista de medios de información progresistas.

Na dereita existen varios xornais no mercado: Abc, La Razón, El Mundo... o cal abre un abano de posibilidades para os lectores de dereitas que agora tamén nós teremos.

Dende aquí quero darlle a noraboa por este nacemento e desexarlle que teña unha longa traxectoria.

Por certo o diario tan só custa 0,5 € e trae de regalo un DVD, onte Los lunes al sol, hoxe Fahrenheit 9/11 e mañá María llena eres de gracia

¿Feliz aniversario?

Hoxe hai 75 anos que naceu Adolfo Suárez González. Non sei se este será un feliz aniversario para el e para a súa familia, xa que o Ex-Presidente do Goberno de España pola UCD está sumido nunha grave enfermidade dexenerativa dende hai anos. Pero eu, dende aquí, quero rendinlle unha pequena homenaxe a aquel presidente que chegou á democracia vindo de ser ministro secretario xeral do Movemento, do réxime franquista. Adolfo Suárez acadou a maioría nas primeiras eleccións democráticas e foi quen de tecer con moito coidado as bases na nosa democracia. Legalizou o PCE e o divorcio, en contra da opinión da dereita daquela época e comezou a andaina dunha feble democracia que facía augas polos catro costados. O avispeiro que era o seu partido e aforte oposición levada a cabo daquela polo PSOE acabaron coa súa carreira política, pero dende aquí quero facer un gran recoñecemento a este gran político ó que todos/as lle debemos a súa gran aportación para que España saíra do réxime franquista.

O luns volta ó traballo

Bueno..., agora si que rematou o descanso. Remataron as viaxes, remataron as festas dos Remedios e o Irrio Peliqueiro, remataron as pequenas escapadiñas como a destes días á Devesa da Rogueira no Caurel....

E o luns volta ó traballo, poñerse as pilas e a comezar o novo curso político. Na Deputación comezaremos con moitas ganas logo de gañar dous deputados e de ter ó PP a tiro para dentro de catro anos. Alfredo García, alcalde do Barco de Valdeorras, será o novo portavoz e peza clave deste grupo para levar ó PSdeG-PSOE a facerse coa presiencia da Deputación nas vindeiras eleccións. Pero, non hai que esquecer que dentro de nada volven a celebrarse eleccións ó Parlamento e ó Senado, co cal o comité de campaña provincial teremos que estar ó cen por cen dende xa.

Preséntase un outono moi apoixoante, políticamente falando. Pero xa vós irei contando pouquiño a pouco.

Por certo, a foto do Irrio é de Carlos Hervella do xornal O Sil, eu non puiden poñer ningunha das miñas debido a uns problemas técnicos.

Ja sóc aquí.

Parafraseando ó derradeiro Presidente de Cataluña na República, cando poido voltar a España logo do exilio: Ja sóc aquí.

As pequenas vacacións que tomei fóra de Ourense coa miña parella trancorreron sen problemas. Antes de marchar colgáravos unha foto do lugar ó que fun, pero non vos dixera onde era, para aqueles/as que aínda non o sabedes, estivemos en Madeira. Un lugar recomendado para todos aqueles amantes da natureza, das paisaxes espectaculares e do sendeirismo.

Pero agora vou a aclimatarme a Ourense e á vida diaria, e logo xa falaremos. Hoxe recén chegado, aínda que teño vacacións ata o 15 xa tiven reunión do "aparato" provincial do PSOE, reunión cos deputados provincias, logo o pleno da Deputación, máis tarde rolda de prensa do grupo de deputados e para rematar comida cos deputados e o Secretario Provincial e o Secretario de Organización Provincial para trazar as liñas do curso político.

O día 6 e ata o 11 vou a estar en Castro Caldelas de festas e despois volta o traballo de verdade.

Pechado por vacacións

Dentro dunha semana volvo a estar con todos/as vós. Ata entón toca descansar. Deixovos esta imaxe para facervos a boca auga, do sitio por onde vou a estar. A volta xa vós contarei algo máis. Ata pronto

As amistades peligrosas de Alcaraz

Invítovos a que leades esta nova que me publicaron no Menéame sobre as amistades peligrosas de Alcaraz, o presidente da Asociación de Víctimas do Terrorismo, basada en información do diario El Plural. Este señor, íntimo amigo da plana maior do PP, partido no cal milita a súa esposa mantén unha extraña relación con Ynestrillas, líder da ultradereita española.

Ricardo Sáenz de Ynestrillas estivo acusado de asasinar ó dirixente de HB Josu Muguruza e foi absolto pola Xustiza.

Alcaraz que di defender ás víctimas do terrorismo (aínda que só defende a algunhas) resulta que é colega dun terrorista. Vaia, vaia...

Podedes atopar toda a información neste enlace.

Un día triste para todos os/as demócratas.

Hoxe debería ser un día triste para todas e todos os demócratas. ETA fixo estalar unha bomba en Durango, con máis de 80 quilos de material explosivo. Houbo dous feridos e poidose producir unha masacre. Pero mentres todos deberiamos de estar pechando as cancelas contra os terroristas, algo distinto está a acontecer. Algo ó que xa case estamos acostumados dende que Rajoy comanda o Partido Popular: “No podemos seguir dejándonos engañar por el PSOE", advierte María San Gil, líder dos populares bascos. O PP insiste en "pedir cuentas" ó Goberno tralo atentado de ETA. Tendes máis información e moi interesante neste enlace de El Plural.

O domingo 19 de agosto cadea humana en favor do Corredor 3 da A-76

O vindeiro domingo 19 a Plataforma pro-autovía A-76 corredor 3 convoca a todos e todas aquelas que crean que é de xustiza que dita autovía pase por Caldelas e Trives a que participen na cadea humana que unirá Trives con Larouco. Así poderemos demostrar que todos/as os/as caldelaos e triveses, así como o resto de ourensáns, estamos a favor de que a autovía pase por estas terras e non nos volva a deixar, unha vez máis, mal comuniacdos co resto do País. Dende aquí todo o meu apoio para a Plataforma. Se queredes máis información está dispoñible na súa web.

Detectadas graves irregularidades polo Consello de Contas nos Concellos de Montederramo e Manzaneda

O Consello de Contas de Galicia é un ente imparcial e fiscalizador das contas e da xestión económico-financeira do sector público galego. Cada ano realiza, entre outros, uns informes dalgúns concellos galegos.

Hai uns días saíron á luz pública os informes de dous Concellos da miña comarca, Manzaneda e de Montederramo, entre outros, referidos ó exercicio 2003-2004. Houbo varios medios de comunicación que se fixeron eco destas auditorías: La Voz de Galicia sobre Manzaneda e Montederramo, e Ourensedixital sobre Manzaneda e Montederramo.

De todos os xeitos se queredes ver os informes completos en formato pdf a través do Consello de Contas, podédelos ver dende aquí: Montederramo e Manzaneda.

Por facervos un resumen das tropelías que se detectaron, comentarvos que en Montederramo acusan ó alcalde e a varios concelleiros de cobrar dietas irregulares, e de contratar "a dedo" a catro traballadores. Todos os soldos do alcalde foron cobrados sen acordo plenario e Antonio Rodríguez recibiu máis de 7000 € en concepto de locomoción e manitención habendo só mandamento de pago pola metade. O informe tamén salpica, por cobros irregulares, o tenente-alcalde e a unha concelleira. Podedes ler o informe completo, porque o único calificativo que merece é o de ESCÁNDALOSO. Lembrarvos que o alcalde tivo que deixar o cargo antes das eleccións porque estba inhabilitado pola Xustiza, aínda así volveu a ganar nestas eleccións, nas que xa se podía volver a presentar, por menos dunha ducia de votos.

En Manzaneda non lle andiveron moi lonxe. Inflaron o superávit do Concello e o remanente de tesourería. Detectáronse demoras nos prazos de presentación e falta de expedientes en modificacións de crédito. Así mesmo o Concello non dispón de libro de resolucións da alcaldía e o libro de actas do Concello está sen actualizar dende 2001.O secretario estivo de baixa varios meses e seguiu cobrando complementos de productividade, o igual que unha funcionaria de xeito non xustificado. O alcalde cobrou dietas e non están documentadas. Esto é só parte das tropelías, lede o informe porque o desaguisado é dun calado enorme. Este alcalde, nas pasadas eleccións, pasou á oposición e hoxe goberna o BNG co apoio do PSdeG-PSOE.

Os despropósitos do PP. Cómo ter un castelo por menos de 3 € ó día

A nova corporación municipal de Maceda (Ourense) BNG + PSOE acaba de iniciar ó proceso para rescindir ouguer do castelo municipal. O anterior alcalde do PP fixo que se lle comprara a un particular o castelo do pobo, a Xunta de Galicia invirtiu na súa recuperación 8 millóns de euros, convertírono en restaurante e casa de turismo rural, cunha zona amplia habilitada para residir os seus novos donos, y logo o concello alugóullo a un alto cargo dol PP por 1000 euros ó ano, é dicir por 456 pesetas diarias. Agora a nova corporación quere rescindir o contrato. O certo é que á poxa non acudiu ningunha empresa máis (segundo parece), pero eso non é motivo como para "regalar" un ben tan preciado para os macedáns. Tamén compre dicir que a xestión do castelo sempre foi nefasta e dende o concello nunca se fixo nada ata o de agora. Se queredes máis información entrade neste enlace do Menéame.

Nestes días ded vacacións prométovos contar moitas máis cousiñas que sei sobre escándalos do PP na nosa comarca

Que patético

Vídeo da campaña das municipais de Esperanza Oña, candidata do PP por Fuengirola. Vídeo patético que non merece máis comentarios

¿Esta é a democracia do PP?

Nas pasadas eleccións municipais o PP, o igual que outros moitos partidos (PSE-PSOE, PNV, EA, EB-IU, etc.) tiveron problemas para confeccionar as súas candidaturas a algúns concellos de Euskadi por mor das amenazas do entorno de ETA.

Ante estes feitos, é unha práctica moi extendida confeccionar as candidaturas con xente de fóra do Concello, e incluso de fóra de Euskadi.

O PP fai desta causa, case unha cruzada e son centos os simpatizantes que se brindan para participar como membros das candidaturas nos comicios municipais.

Desta vez o PP de Galicia marcouse como obxectivo que participasen 400 galegos nas súas listas, cen por provincia. Creo que é moi loable que unha persoa, sexa da opción política que sexa, se brinde para que calquera cidadán da aldeaq máis recóndita de Euskadi poda votar á formación política que desexe.

Pero hai uns días descubríuse que na provincia de Pontevedra e en concreto na zona do Grove e Vilagarcía de Arousa foron varias as persoas que se enteraron que concurriran ás eleccións vascas formando parte de candidaturas do PP, e todo elo sen o seu consentimento falsificando a súa sinatura e aportando unha fotocopia do DNI que, presuntamente, alguén lle fixo sen o seu consentimento.

Máis dunha ducia de galegos presentaron denuncia ante este atropelo tan grave e a fiscalía xa tomou cartas no asunto. Non é o primeiro escándalo que xurde no PP de Pontevedra, que preside Rafael Louzán. Algúns deles podédelos ver aquí.

Así é como quere o PP facer de Euskadi un territorio máis democrático?