Reunión Socialista en Castro Caldelas

Hoxe domingo, pola mañanciña celebramos unha reunión comarcal en Castro Caldelas para preparar as vindeiras eleccións autonómicas. Alí estivemos o Comité Electoral Comarcal cos compañeiros e compañeiras que van levar o peso da campaña en cada un dos nove Concellos da Comarca Trives-Caldelas, da que son Secretario Comarcal.

Como podedes ver, a foto saiu algo movida, aínda así é a mellor de todas as que se fixeron. A veces a tecnoloxía falla. Na imaxe aparecemos de esquerda a dereita Macu Acuña, Miguel Fidalgo, Pachi Vázquez, Eladio Osorio, Laura Seara e Pablo López.

Estou convencido de que na provincia de Ourense vai a medrar considerablemente o respaldo electoral cara ó PSdeG-PSOE, e a comarca Trives-Caldelas vai a ser unha das claves neste aumento de respaldo ós/ás socialistas.

Xa falaremos o día 2 de marzo e veredes como non andaba eu moi desencamiñado.

Boas novas para a comarca de Trives e Caldelas

Esta está sendo unha gran semana para as comarcas de Trives e Caldelas. Hai uns días coñeciamos as liñas mestras dos orzamentos para o ano 2009, e neles veñen plasmadas varias inversións que viñamos reclamando os socialistas desta comarca.

Xa se contempla partida orzamentaria para o estudo da conexión de Trives coa N-120 e futura autovía e o estudo para a conexión de Trives con Valdeorras. Pero ademais, ven contemplado o estudo para arranxan a OU-536 que cruza a comarca de Trives e de Caldelas para comunicarnos con Ourense. Ademais xa veñen reflexados os cartos que faran falta nas próximas anualidades. Contémplase un total de 25,5 millóns de euros de inversión en tres anos, é dicir 4.242 millóns das antigas pesetas.

A todo esto temos que engadirlle que hoxe no Consello da Xunta aprobou a realización da concentración parcelaria nas parroquias de Vilamaior, O Burgo e Camba, dotada cun orzamento de 1,5 millóns de euros.

Unha boa semana para Trives e Caldelas.

O PSOE de Trives, Caldelas e Valdeorras intercambia opinións

Onte celebramos unha xuntanza no Pazo do Castro do Barco de Valdeorras os deputados provinciais, delegados, alcaldes, portavoces e secretarios comarcais, e unha posterior rolda de prensa.

Na foto superior estamos, de esqueda á dereita:

Víctor González, deputado provincial e tenente de alcalde de Cortegada; José Luis "Chelis" Pérez, deputado provincial e alcalde de Vilardevós; Miguel Fidalgo, senador e secretario provincial de organización; Alfredo García, deputado-portavoz provincial, alcalde do Barco de Valdeorras e secretario comarcal de Valdeorras;eu, Eladio Osorio Montenegro, secretario comarcal de Trives-Caldelas e asesor do grupo provincial socialista na Deputación de Ourense; Carlos Montes, deputado provincial e alcalde do Carballiño.

A reunión reviu para intercmbiar pareceres e fixar unha estratexia tanto nas comarcas como na Deputación de cara ós vindeiros anos. Hoxe podedes ver o tema recollido nalgúns medios de comunicación como La Región ou La Voz de Galicia.

Na segunda fotografía podedes ver a fachada provincial do Pazo do Castro, onde mantivemos a reunión, un lugar moi recomendable para pasar uns días se tedes pensado visitar as terras de Valdeorras.